€a€aSC Ne Sahaara Ko Sanpattiyaan Bechne Ki Anumati Di

Business »

€a€aSC Ne Sahaara Ko Sanpattiyaan Bechne Ki Anumati Di

- court ne sahaara ko di enbi valley ko girvi rakhane ki bhi anumati - sahaara samooh ne kaha hai ki vah paanch din ke bheetar teen hajaar karod rupaye jama kar dega - sahaara shesh do hajaar karod rupaye agale 30 din ke bheetar jama karega bhaasha, nai Delhi uchchatam nyaayaalaya ne sahaara samooh ko videsh mein teen hotelon ki bhaageedaari bechakar dhan ki vyavastha karne ke liye apne karjadaata bank of China se sampark karne ki anumati de di. Isse jail mein band samooh kemukhiya subrat rai ko chhodvaane ke liye jamaanat raashi ki vyavastha karne mein madad mil sakti hai. Lekin nyaayaalaya ne apne pehle ke aadesh mein sudhaar ke liye rai ki nai yaachika par faisala surakshit rakha. Nyaayaalaya ne us aadesh ke tahat rai se paanch hajaar karod rupaye nakad bhugataan karne aur itni hi raashi ki bank guaranty dene ko kaha hai. Samooh London mein ek hotel aur new yaurk mein do hotelon mein apni bhaageedaari bechne kar 60 din ke bheetar shesh paanch hajaar karod rupaye ki bank guaranty bhi jama kar dega. Nyaayamoorti teerath Singh thaakur aur nyaayamoorti A ke seekari ki khandapeeth ne kaha ki sahaara samooh bank of China se patraachaar karega jisne videshon mein hotel khareedne ke liye kaafi badi dhanaraashi karj ke rup mein di hai. Sahaara ko is patraachaar ke nateeje ke baare mein ek saptaah ke bheetar halafnaama daakhil karna hoga. - nyaayaadheeshon ne kaha is maamale ki teen ghante se adhik samay tak sunavaai ke baad antim kshanon mein nyaayaadheeshon ne kaha, 'Ham nau sampattiyon (company ki soochi mein shaamil) ko bechne ki aapko anumati dete hain. Ham aapko dhan ki vyavastha karne ke liye enbi valley ko girvi rakhane ki bhi anumati dete hain. ' isse pehle, nyaayaalaya ne sahaara samooh se kaha tha ki chaar March se jail mein band subrat rai ki rihaai ke liye use paanch hajaar karod rupaye nakad aur itni hi raashi ki bank guaranty deni hogi.

€a€aSC Ne Sahaara Ko Sanpattiyaan Bechne Ki Anumati Di https://www.angrejinews.com/pic/52183