Z Security Ka Kharch Deinge Ambani

India »

Z Security Ka Kharch Deinge Ambani

bhaasha. Nai Delhi: Reliance industries limited ke adhyaksh mukesh Ambani ko Z kaitagari ki security upalabdh karaane ke nirnaya ke kaaran vaam dalon ki aalochanaaon ka shikaar hui sarkaar ne somvaar ko yahaan spasht kiya ki apni suraksha par aane vaala kharch mukesh khud hi vahan kareinge. Sarkaar mein ek uchchapadasth sootr ke anusaar, gruh mantraalaya dvaara jaari aadesh mein yah bhi kaha gaya hai ki mukesh Ambani ko upalabdh karaae ja rahe CRPF karmiyon par aane vaale vyaya ka vahan vah khud kareinge. Isi aadhaar par yah suraksha muhaiya karaayi ja rahi hai. Iske alaava Ambani commando ko bairak bhi upalabdh karaaenge. Ek anumaan ke anusaar is suraksha par pratimaah 15 se 16 lakh rupaye tak ka kharch aaega aur iska poora aakalan surakshaakarmiyon ke vetan ke aadhaar par kiya jaaega.

Z Security Ka Kharch Deinge Ambani https://www.angrejinews.com/pic/6471