Z Plas Suraksha Maangane Vaalon Mein UP, Punjab Ke VIP Logon Ki Taadaad Badhi

Breaking »

Z Plas Suraksha Maangane Vaalon Mein UP, Punjab Ke VIP Logon Ki Taadaad Badhi

Nai Delhi. . Uttar pradesh aur Punjab ke un kai ativishisht logon ne keindreeya gruh mantraalaya ko keindreeya suraksha muhaiya karaane ke aagrah bheje hain, jinki suraksha raajya sarkaaron ne vaapas le li hai. Gruh mantri susheel Kumar shinde ne kaha ki raajya sarkaaron ki or se in ativishisht logon ki suraksha mein katauti ke kaaran mantraalaya se suraksha kavar maangane vaale logon ki sankhya kaafi badh gayi hai. Shinde ne kaha, 'Uttar pradesh aur Punjab sarkaaron ne in logon ki suraksha ki sameeksha ki hai. Aise kai log hain, jinmein raajaneeti aur kai anya peshon se jude log shaamil hain. Ye log ab suraksha kavar dene ke liye hamaare paas emaechae aa rahe hain. ' unhonne, haalaanki yah bhi spasht kiya ki keindreeya suraksha paane vaale logon ki sankhya mein badhotri sambandhit vyaktiyon par sambhaavit khatre ke aakalan ke baad hi ki jaayegi. Gruh mantri ne kaha, 'Emaechae se VIP suraksha paane vaale logon ki sankhya naheen badhaayi gayi hai aur jinhein bhi yah suraksha kavar diya gaya hai. Yah poori tarah se unapar sambhaavit khatre ke tahat diya gaya hai, jiska aakalan suraksha agencyan karti hain. ' gaurtalab hai ki 'Z-plas' suraksha paane vaale raajanetaaon ki sankhya badh rahi hai aur is shreni ki suraksha paane vaale nae naam hain keindreeya ispaat mantri beni prasaad varma aur BSP ke saansad brajesh paathak. Varma ko is shreni ki suraksha tab di gayi, jab unhonne daava kiya ki unhein dhamaki vaale phone aa rahe hain. Is shreni ki suraksha paane vaale naenaamon mein uttar pradesh ke mukhyamantri Akhilesh Yadav bhi hain. Chhattisgarh ke mukhyamantri raman Singh ko bhi jald hi is shreni ki suraksha di jaani hai. VIP guard duty par tainaat surakshaakarmiyon ki sankhya ke maamale mein Punjab ke baad Delhi ka number aata hai. Raashtreeya rajdhani mein sabhi 427 VIP ki suraksha mein 12 se adhik policekarmi tainaat hain. Bureau of police research aind divelapameint ke aankadon ke anusaar, Delhi mein prati 253 logon ke liye ek policekarmi maujood hai, jabki 427 VIP logon ko suraksha dene ke liye 5,183 policekarmi tainaat hain. In aankadon ke anusaar desh bhar mein 14, 842 logon ki suraksha ke liye 47, 557 policekarmiyon ko lagaataar chhah maheene se adhik vakt tak tainaat kiya gaya. Sarkaar ne uchchatam nyaayaalaya ke samaksh daakhil halafanaame mein kaha hai ki vartamaan vitteeya varsh mein VIP suraksha ka usaka kul bajat 341 karod rupae hai.

Z Plas Suraksha Maangane Vaalon Mein UP, Punjab Ke VIP Logon Ki Taadaad Badhi https://www.angrejinews.com/pic/3956