Yuvraj Meri Sarvakaalik Mahaan Khilaadiyon Ki Soochi Mein Raheinge Kapil

Cricket »

Yuvraj Meri Sarvakaalik Mahaan Khilaadiyon Ki Soochi Mein Raheinge Kapil

Nayi Delhi, 12 June (bhaasha) diggaj cricketer aur 1983 ki vishv cup vijeta team ke kaptaan Kapil Dave ne Budhvaar ko yahaan kaha ki vah jab bhi sarvakaalik mahaan bhaarateeya ekadivseeya cricketeron ki team banaayeinge to us mein harfanmaula Yuvraj Singh ko jaroor jagah milegi. Bhaarat ki taraf se West Indies ke khilaaf June 2017 mein apna aakhiri antararaashtreeya match khelne vaale Yuvraj ne somvaar ko Mumbai mein sannyaas ki ghoshana ki. Apne 17 saal ke antararaashtreeya career ke dauraan unhonne 2007 mein tee20 vishv cup aur aur 2011 mein ekadivseeya vishv cup jeetne waali bhaarateeya team mein aham yogadaan diya tha. Yuvraj ne Bhaarat ki taraf se 40 test, 304 one-day aur 58 tee20 antararaashtreeya match khele. Unhonne test maichon mein 1900 aur one-day mein 8701 run banaaye. Tee20 antararaashtreeya mein unke naam par 1177 run darj hain. yahaan faintasi khel 'Apne 11' ke launch ke liye pahunche Kapil ne kaha, '' Yuvraj kamaal ke cricketer the (hain) aur main jab bhi Bhaarat ke sarvakaalik mahaan khilaadiyon ki ekadivseeya team banaaoonga to vah us mein jaroor honge. '' Bhaarat ko 1983 mein pehli baar vishv champion banavaane vaale is poorv kaptaan ne kaha ki Yuvraj ko cricket ke maidaan se vidaai milni chaahiye thi. Kapil ne kaha, '' Yuvraj jaise khilaadi ko cricket ke maidaan se vidaai milni chaahiye thi. Kam se kam main aisa dekhna chaahata tha. Unhonne apne khel se yuvaaon ko deevaana banaaya. Hamaare desh ko aise naayakon ki jaroorat hai jo aane waali peedhiyon ko prerit kar sake. Unhein pata chal sake ki Yuvraj ne apni jindagi mein kya jhela hai. '' Bhaarat ke mahaan kaptaanon mein shumaar Kapil ne kaha, '' main Yuvraj ko aage ki jindagi ke liye shubhakaamanaaen dete hoon aur ummeed karoonga ki unhonne cricket mein jo kiya apni aane waali jindagi mein isse behtar karein.

Yuvraj Meri Sarvakaalik Mahaan Khilaadiyon Ki Soochi Mein Raheinge Kapil https://www.angrejinews.com/pic/280711