Yuvraj Ke Prati Kathor Tha Kyonki Kuchh Saabit Karna Chaahata Tha Yogaraaj Singh

Breaking »

Yuvraj Ke Prati Kathor Tha Kyonki Kuchh Saabit Karna Chaahata Tha Yogaraaj Singh

Mumbai Yuvraj Singh ke pita yogaraaj Singh ne mangalvaar ko sveekaar kiya ki vah kabhi kabhi apne bete ke prati kathor the kyonki vah kuchh saabit karna chaahate the. Unhein hamesha apne bete par garv rahega. Yuvraj ne somvaar ko utaar-chadhaav se bhare apne antararaashtreeya career ka ant kiya. Is dauraan unke career ka sarvashreshth lamha 2011 world cup mein Bhaarat ki jeet mein aham bhoomika nibhaana raha. Bhaarat ke liye 1 test aur 6 ekadivseeya antararaashtreeya match khelne vaale yogaraaj ne phone par baatcheet mein kaha, 'Main krutajnya hoon ki mera uske jaisa beta hai. Main apne bete ko dhanyavaad deta hoon aur main hamesha use (Yuvraj) kehta hoon ki mujhe us par garv hai. ' yogaraaj ke jor dene par hi Yuvraj ne cricket ko career ke roop mein chuna tha. Padhein: Yuvraj Singh ne intaranaishanal cricket se sannyaas liya Unhonne kaha, 'Agar tumhein (Yuvraj) lagta hai ki main tumhaare prati kathor tha. Main logon ko kuchh saabit karna chaahata tha aur main ummeed karta hoon ki tum ise samajh sakte ho. ' Yuvraj ke apne pita ke saath rishte kaafi achhe naheen the aur baaen haath ke is ballebaaj ne kaha ki vah unke liye 'Draigan' ki tarah the. Antararaashtreeya aur pratham shreni cricket se sannyaas lene se theek pehle haalaanki Yuvraj apne pita ke saath sulah karne mein safal rahe. Yogaraaj ne kaha ki shuruaati dinon mein vah hamesha chaahate the ki Yuvraj 'Mumbai' jaae aur Mumbai mein khelne se yeh aakraamak all-rounder 'Achhe cricketer' mein badalne mein safal raha. Unhonne apne aur apne bete ke career mein madad ke liye jaane maane lekhak makarand vaayanganakar ka bhi aabhaar jataaya. Yuvraj ko jab naishanal team mein jagah mili tab chayanakarta ki bhoomika nibha rahe poorv bhaarateeya ballebaaj chandoo borde ne is cricketer ko nidr vyakti karaar diya, jo anya logon ke liye prerana hai. Unhonne kaha, 'Pratikool shaareerik samasyaaon ke baavajood unhonne swayam ko jis tarah fit rakha aur un samasyaaon se ubara uske liye unhein salaam hai. Unhonne doosaron ko dikhaaya ki kabhi haar naheen maanani chaahiye aur ant tak usane sangharsh jaari rakha. Unhonne desh aur apne raajya ke liye jis tarah ka pradarshan kiya us par mujhe khushi hai. '

Yuvraj Ke Prati Kathor Tha Kyonki Kuchh Saabit Karna Chaahata Tha Yogaraaj Singh https://www.angrejinews.com/pic/280591