'Yuvi Va Right Ke Wicket Ek Hi Over Mein Ganvaana Turning Point

Cricket »

'Yuvi Va Right Ke Wicket Ek Hi Over Mein Ganvaana Turning Point

agencyan . Raipur Pune Warriors ke asisteint coach raub vaultars ne kaha ki IPL -6 mein Delhi Daredevils ke khilaaf match mein mili 15 se haar mein ek hi over mein Yuvraj Singh aur Luke right ke wicket ganvaana turning point saabit huaa. Jeet ke kareeb pahunch kar fir se haarne se Pune Warriors ab mushkil mein fans gayi hai. Ab uske liye baaki sabhi match 'Karo ya maro' ke honge. Delhi Daredevils ke haathon mili haar ke baad Pune Warriors ki team ank taalika mein nichle sthaan par khisak gayi hai. Vaultars ne Sunday raat kaha, 'Yuvi aur right achha khel rahe the. Match ke 18vein over mein in donon ke wicket ganvaana match ka turning point saabit huaa. Iske chalte hamaari team ko haar ka saamana karna pada. Yah tab huaa jab humne match mein pakad bana rakhi thi. Ham jeet sakte the. Ab bilkul saaf ho gaya hai ki hamein aage kadi chunauti deni hogi. Hamein tournament mein ab har match mein jeet darj karni hogi. Aapko jeet ka faurmyula talaashne ki koshish karni hogi aur aapko ise paane ke liye kuchh sanyojan aajmaane ki koshish bhi karni hogi. ' yah poochhe jaane par ki kya Pune Warriors team ko Raipur jaise nae aur alag maidaan par praiktis ke liye jyaada vakt ki jaroorat thi to unhonne kaha, 'Hamein yahaan praiktis ka paryaapt vakt mila. Ham taiyaari ko doshi naheen thahara sakte. Haalaanki baaundri badi hain lekin yahaan maidaan ke haalaat achhe hain. '

'Yuvi Va Right Ke Wicket Ek Hi Over Mein Ganvaana Turning Point https://www.angrejinews.com/pic/7133