Yuvati Se Chhedchhaad Ke Aarop Mein Teen Arest

India »

Yuvati Se Chhedchhaad Ke Aarop Mein Teen Arest

ek samvaadadaata . Jeend shahar thaana police ne raamabeer colony mein ravivaar raat yuvati se chhedchhaad karne, bhaai se maarapeet va chain sneching ke aarop mein teen yuvakon ko giraftaar kiya hai. Teenon yuvak vaaradaat ke vakt sharaab ke nashe mein the. Vaheen, gaanv nidaani mein shaadi ka jhaansa dekar yuvati ko apaharan karne ka maamala darj kiya gaya hai. Police jaanch kar rahi hai. Raamabeer colony nivaasi jyoti ne shahar thaana police ko di shikaayat mein bataaya ki shanivaar ko vah apne bhaai sandeep varma ke saath baaik par savaar hokar ghar laut rahi thi. Usi dauraan praveen, Mahendra aur raman ne uske saath chhedkhaani shuroo kar di. Jab uske bhaai sandeep aur parijanon ne beech bachaav kiya to unhonne un par hamla bol diya. Is dauraan teenon yuvakon ne uske aur sandeep varma ke gale se sone ki chen jhapat li. Ghatna ki soochana milte hi police mauke par pahanuch gayi aur aaropi praveen ko pakad liya. Raman va Mahendra faraar bataae gaye hain. Vaheen, gaanv nidaani se shaadi ka jhaansa day yuvati ke apaharan ka maamala prakaash mein aaya hai. Police ne yuvati ke pita ki shikaayat par ek yuvak tatha usaki maan ke khilaaf apaharan karne tatha apaharan mein sahaayata karne ka maamala darj kar chhaanabeen shuroo kar di hai. Doosari or, gaanv nidaani nivaasi ek vyakti ne sadar thaana police ko di shikaayat mein bataaya ki usaki 20 saal ki beti ghar par akeli thi. Usi dauraan gaanv sandeel nivaasi tarasem va uske bhaai dharmapaal ne shaadi ka jhaansa dekar usaki beti ka apaharan kar liya. Is kaam mein usaki maan ne bhi unka saath diya. Case darj ka police maamale ki jaanch kar rahi hai.

Yuvati Se Chhedchhaad Ke Aarop Mein Teen Arest https://www.angrejinews.com/pic/4141