Yuvak Ne Lagaaya Metro Station Par Checking Ke Bahaane Chhedkhaani Ka Aarop

Breaking »

Yuvak Ne Lagaaya Metro Station Par Checking Ke Bahaane Chhedkhaani Ka Aarop

Vishesh samvaadadaata, nai Delhi Abhi tak to metro mein sirf mahilaaon aur yuvatiyon ke saath chhedkhaani ki ghatnaaen hi saamane aati raheen hain, lekin apni tarah ke ek anoothe maamale mein pehli baar ek yuvak ne aarop lagaaya ki metro station par checking karne ke naam par ek shakhs ne uske saath chhedkhaani ki. Vaise to metro stationon par yaatriyon ki checking aur frisking keval seeaaiesaef ke javaan hi karte hain aur unki vardi khaaki rang ki hoti hai, lekin peedit yuvak ne bataaya hai ki kareeb 6 feet ke jis aadmi ne checking ke naam par uske saath shaareerik chhedkhaani ki, us aadmi ne neele rang ki dhaariyon waali shart, Dirk gre kalar ki paint aur kaale joote pahan rakhe the. Aise mein aashanka jataai ja rahi hai ki shaayad vah koi private sikyauriti guard ho sakta hai. Peedit ne DMRC ko E-mel ke jariye shikaayat bhejkar is maamale ki jaanch karne aur aaropi ke khilaaf aikshan lene ki maang ki hai. DMRC aur seeaaiesaef ke adhikaariyon se mili jaankaari ke anusaar, peedit shakhs ne E-mel mein bataaya hai ki 16 May ki shaam 7 baje ke kareeb uttam nagar East metro station par uske saath yeh ghatna ghati. Checking ke naam par aaropi ne pehle uske chest ko galat tareeke se chhuaa aur uske baad usaki belt kholne ki bhi koshish ki. Us vakt peedit yuvak office se apne ghar laut raha tha. Haalaanki usane mel mein yeh naheen bataaya hai ki yeh ghatna station parisar ke andar kisi jagah ghati. Ghatna ke vakt hi usane metro ke station kantrolar ya vahaan tainaat seeaaiesaef ke adhikaariyon ko is baare mein kyon naheen bataaya, yeh bhi spasht naheen hua hai. Peedit ne mel mein apna phone number bhi naheen diya hai. Usane ghatna ke 2 din baad 18 May ko DMRC ki helpline vaale E-mel adres par mel bhejkar yeh shikaayat darj karaai thi. Metro ke adhikaariyon ka jahaan yeh kehna hai ki suraksha se juda maamala hone ki vajah se unhonne yeh shikaayat jaanch ke liye seeaaiesaef ko bhej di hai, vaheen seeaaiesaef ke adhikaariyon ka kehna hai ki unhein aupachaarik taur par abhi tak aisi koi kanpleint DMRC ki taraf se naheen mili hai. Metro police ne bhi kanpleint milne se inkaar kiya hai. Vaheen peedit ne maang ki hai ki station ke CCTV ke jariye jaanch kar aaropi ka pata lagaaya jaae aur uske khilaaf kaarravaai ki jaae.

Yuvak Ne Lagaaya Metro Station Par Checking Ke Bahaane Chhedkhaani Ka Aarop https://www.angrejinews.com/pic/276389