Yuvak Ko Goli Maar Le Gaye 12 Lakh

India »

Yuvak Ko Goli Maar Le Gaye 12 Lakh

enabeeti news . Agra thaana etmaadapur kshetr sthit state bank of India ki branch se somvaar ko cash lekar nikle ek yuvak ko baaik savaar teen luteron ne goli maar di. Iske baad lutere uske haath se rupayon se bhare bag ko chheen le gaye. Mauke par pahunchi police ne ghaayal ko aspataal mein bharti karaaya hai. Khabar likhe jaane tak ghatna ki report darj naheen ho saki thi. Etmaadapur nivaasi Mahendra Singh ek paitrol panp par kaam karte hain. Bataaya gaya hai ki somvaar subah kareeb 10: 45 baje vah etmaadapur sthit SBI ki branch se rupaye nikaalkar baahar nikle the. Unke haath mein ek bag tha jismein 11 lakh 60 hajaar rupaye ki nakadi rakhi hui thi. Jaise hi Mahendra bank se baahar nikalkar kuchh door chale the ki pehle se ghaat lagaae baithe baaik savaar teen luteron ne unke oopar tamancha taan diya aur bag chheenane lage. Mahendra ne virodh kiya to luteron ne unhein goli maar di jisse vah lahooluhaan hokar vaheen jameen par gir pade. Iske baad lutere unke haath se rupayon se bhara bag chheenakar faraar ho gaye. Soochana paakar mauke par pahunchi thaana etmaadapur police ne gambhir rup se ghaayal Mahendra ko sthaaneeya nursing hom mein bharti karaaya. Thaanaadhyaksh etmaadapur ne bataaya ki goli Mahendra ke seene ko paar karti hui nikal gayi. Aspataal mein unka ilaaj chal raha hai. Doctoron ne unhein khatre ki sthiti se baahar bataaya hai. Esao ne bataaya ki tahareer naheen milne ke kaaran ghatna ki report abhi darj naheen ho saki hai, lekin luteron ki talaash mein police jut gayi hai.

Yuvak Ko Goli Maar Le Gaye 12 Lakh https://www.angrejinews.com/pic/7918