Yuvak Ki Maut Se Gussaae Logon Ne Police Chauki Foonki

Breaking »

Yuvak Ki Maut Se Gussaae Logon Ne Police Chauki Foonki

Gazipur. . Uttar pradesh mein Gazipur jile ke jangeepur mein kathit roop se police ki pitaai se yuvak ki maut se naaraaj logon ne ek police chauki mein aagajani tatha todfod ki. Police sootron ne bataaya ki hansaraajapur police chauki ke paas sthit naseerapur gaanv ki ek ladki ke kisi ke saath bhaagane ke maamale mein police sthaaneeya nivaasi ghanashyaam naamak yuvak ko poochhataachh ke liye le E thi. Baad mein der raat use chhod diya gaya. Unhonne bataaya ki ghar lautane par ghanashyaam ki tabeeyat kharaab ho gayi, jiske baad usaki maan use aspataal le gayi jahaan ilaaj ke dauraan usaki maut ho gayi. Is ghatna se naaraaj logon ne somvaar ko shav ko lekar hansaraajapur chauki ke paas pradarshan shuroo kar diya. Isi beech bheed ugr ho gayi. Usane chauki bhavan par todfod tatha patharaav kiya, jismein kuchh policekarmiyon ke ghaayal hone ki bhi khabar hai. Gussaae logon ne chauki parisar sthit ek jhopadi mein tatha baahar khadi dullaapur ke thaanaadhyaksh ke jeep mein aag laga di.

Yuvak Ki Maut Se Gussaae Logon Ne Police Chauki Foonki https://www.angrejinews.com/pic/7097