Yuvak Ki Maut Par Hangaama

India » Saturday, April 20, 2013

enabeeti news . Modeenagar thaana bhojapur ke kasba fareedanagar mein ek 18 varsheeya yuvak ki sandigdh paristhitiyon mein hui maut ko lekar sthaaneeya logon ne shukravaar ko police chauki par jamkar hangaama kiya. Mrutak ki maan ka aarop hai ki uske bete ki hatya ki gayi hai. Doosari taraf, kasbe mein tanaav ko dekhte hue police bal ko tainaat kiya gaya hai. Bataaya ja raha hai ki hatya ke ek maamale mein police ko yuvak par shak tha. Police ki thyori police ke mutaabik, guruvaar der raat kisi ne thaane mein phone karke soochana di ki aashu naamak yuvak kasbe mein behoshi ki haalat mein pada huaa hai. Police ne sarkaari ambulance se use jila aspataal mein bharti kara diya, jahaan usaki maut ho gayi. Doosari taraf, police ne parijanon ko yuvak ki maut ki jaankaari shukravaar ki subah di. Jaankaari milte hi parijanon ne kasbe ke logon ke saath milkar police chauki par jamkar hangaama kiya. Is dauraan 4 ghante mein 3 baar tahareer badli gayi. Hatya maamale mein tha sandeh bataaya ja raha hai ki pichhle saal August maheene mein kasbe ke hi ek vyakti ki hatya kar di gayi thi. Is maamale mein parijanon ne kasbe ke 7 logon ko naamajad kiya tha aur 3 ke khilaaf agyaat mein report likhaai gayi thi. Maamale mein police ko aashu par bhi shak tha. Isi aadhaar par mrutak ki maan ki or se parijanon ne sabse pehle yah aarop lagaaya ki police aashu ko guruvaar ki raat apne saath le gayi. Poochhataachh ke dauraan usaki haalat bigadne par use jila aspataal mein bharti kara diya. Uske baad aarop lagaaya gaya ki kasbe ke hi ek parivaar ke ishaare par apaharan karne ke baad aashu ki hatya ki gayi hai. Is sambandh mein parijanon ne likhit mein thaane mein tahareer di, baad mein use bhi radd kar diya gaya. Teesari baar di gayi tahareer mein usaki maan ne kisi par bhi bete ki hatya ka seedha aarop naheen lagaaya. Kaarravaai ka aashvaasan doosari taraf, aashu ki kathit hatya ko lekar thaane par hangaame ki jaankaari milne par SP dehaat jagadeesh sharma, esadeeem Monica aur seeo kishn Singh tehalaan ke saath mauke par pahunche. Unhonne jaise-taise logon ko samajhaakar shaant kiya. SP dehaat ka kehna hai ki vah is maamale ki nishpaksh jaanch karaaenge. Doshi ke khilaaf kaarravaai ki jaaegi.