Yuvak Ki Goli Maarkar Hatya

India » Monday, April 22, 2013

S . Sahaaranapur : Jile mein thaana behat ilaake mein prem prasang ki vajah se ek yuvak ki goli maarkar hatya kar di gayi. Goli yuvak ke sir mein maari gayi thi, jabki uske haathon par kharonch ke nishaan paae gaye hain. Jaankaari ke mutaabik, behat thaane ke gaanv maajari nivaasi ramesh chand ka 24 varsheeya beta ravi Kumar baaik se sahaaranapur ke liye nikla tha. Shanivaar der shaam usaka shav malakapur nahar ki patari se baraamad huaa. Mrutak ki jeb se talaashi ke dauraan 5 hajaar rupaye, pehchaan patra ki photo kaupi aadi baraamad ki gayi hai. Usaki jeb se mobile ka ek sim baraamad hui, jismein paae gaye number par daayal karne pata chala ki teenon number ladkiyon ke hain. Police ka maanana hai ki yuvak ki hatya prem prasang ke kaaran hui hai. Police maamale ki jaanch kar rahi hai.