Yoon Hi Naheen Hui Hai Delhi Darbaar Mein Modi Ki Entry

India » Monday, April 1, 2013

Gulashan rai khatri nai Delhi. . Chhah saal pehle sansadeeya board se hataae gaye Narendra Modi ko fir se board mein entry dekar BJP ne apne iraade jaahir kar diye hain. Modi ko bhaavi pradhaanamantri ke roop mein pesh kiya jaaega ya naheen, is savaal par bhale hi party chuppi todne se bachati rahi ho, lekin jis tarah se ikalaute mukhyamantri ke taur par Modi ko board mein laaya gaya hai, usase saaf hai ki mission 2014 chunaav mein Modi ek badi bhoomika nibhaane ja rahe hain. Yahi naheen, party ne iske saath hi JDU jaise apne sahayogi dalon ko bhi sanket day diya hai ki vah unke dabaav mein Modi par apna daanv chhodne ke liye taiyaar naheen hai. Modi ki vaapasi ki vajah : Aakhirkaar jis Modi ko 2006 mein Rajnath Singh ne hi sansadeeya board se yah kehkar baahar ka raasta dikhaaya tha ki vah mukhyamantri hain, unhein hi fir se ikalaute mukhyamantri ke roop mein entry kyon di gayi? Iski vajah yah hai ki lagaataar do baar se satta se baahar rahi BJP ke liye is baar mission 2014 'Karo ya maro' ki tarj par hoga. Party ko lagta hai ki jis teji se UPA ki lokapriyta ka graaf gira hai, yahi mufeed mauka hai, jab BJP chunaav mein baaji maar le. Koi risk naheen : Beshak party ke paas Modi aisa chehara hai, jo logon ko aakarshit karta hai aur jise log sunana chaahate hain. Yahi vajah hai ki party is baar risk lene ke mood mein naheen hai. Haalaanki party mein ek varg aisa hai, jo Modi ko jyaada bhaav dene ke mood mein naheen hai, lekin kaaryakartaaon ka dabaav aisa hai ki party chaahakar bhi is vakt Modi ko ignor naheen kar sakti. Congress jis tarah se Modi par ataik karti rahi hai, vah yah bataane ke liye paryaapt hai ki Congress bhi Modi se hi dar rahi hai. Yahi vajah hai ki party ke liye Modi aham bante ja rahe hain. Party ko lagta hai ki Modi ke naam se hi kaaryakarta utsaahit ho rahe hain, aise mein Loksabha chunaav mein Modi kaaryakartaaon aur pablik mein josh bhar sakte hain. Sabki sahamati : Ek bada factor yah hai ki is vakt party ki kamaan Rajnath Singh ke haathon mein hain. Rajnath Singh ke baare mein kaha jaata hai ki pichhle kaaryakaal ke mukaabale is baar vah jyaada sahamati banaakar chalne ki koshish kar rahe hain. Yahi vajah hai ki unhonne apne anubhav se seekh lete hue is baar Modi ko entry di hai. Unhein lagta hai ki jis tarah se adhyaksh ke roop mein sarvamaanya neta ke roop mein vah saamane aae, vaise hi agar vah aage bhi chalakar sarvamaanya bante hain to unke liye aage ki raah aasaan ho sakti hai. Yahi vajah hai ki vasundhara raaje ko Rajasthan ki kamaan saunpane ke baad ab unhonne Modi ko bhi entry di hai. Sahayogi dalon ko sandesh : Modi ko lekar sirf Congress ya apne kaaryakartaaon ko hi naheen, balki NDA ke sahayogi dalon ko bhi BJP ne sandesh dene ki koshish ki hai. Khaastaur par JDU ko. Lagaataar Modi par hamle karne mein JDU hi aage rahi hai lekin Rajnath Singh ne Modi ke jariye yah bataane ki koshish ki hai ki jitni jaroorat BJP ko JDU ki hai, utani hi jaroorat JDU ko bhi usaki hai. Sirf ek raajya ke liye BJP poore desh mein Modi ko najaraandaaj naheen kar sakti. Yahi naheen, jis tarah se Bihar mein neeteesh Kumar ke najadeeki maane jaane vaale BJP neta susheel Kumar Modi ke virodhi Dr. Si. Pi. Thaakur ko sangathan mein jagah di hai, usaka bhi arth yahi lagaaya ja raha hai ki Bihar mein neeteesh ko chunauti dene vaale netaaon ko BJP aage badhaane ki taiyaari mein hai.