Yooes Maikken Ne Bhi Kaha, Modi Karein Congress Ke Sanyukt Satr Ko Sambodhit

Breaking » Friday, June 27, 2014

Washington: varishth Republican senator John maikken bhi saansadon ke us samooh mein shaamil ho gaye hain, jisne Congress netrutv se ameriki Congress ke sanyukt satr ko sambodhit karne ke liye pradhaanamantri Narendra Modi ko aamantrit karne ka aagrah kiya hai. maikken ne senate mein Bhaarat par ek bade sambodhan mein kaha, jab pradhaanamantri Washington aaenge, to main Congress netaaon se aagrah karoonga ki ve unhein Congress ke sanyukt satr ko sambodhit karne ke liye aamantrit karein. Erijona ke senator, Modi aur unki raashtreeya suraksha team se milne agale hafte Bhaarat ka daura kareinge. pichhle hafte, do sheersh ameriki saansadon ne ameriki pratinidhi sabha ke speaker John Boehner se aagrah kiya tha ki vah Modi ko Congress ke sanyukt satr ko sambodhit karne ke liye aamantrit karein. Congress sadasya evam sadan ki videsh maamalon ki samiti ke adhyaksh id rauyas tatha Congress sadasya George holding ne sadan ke adhyaksh John Boehner ko patra likhkar aagrah kiya tha ki Congress ke sanyukt satr mein Modi ka sambodhan karaaya jaae. maikken ne kaha, main isse shaanadaar drushya ki kalpana naheen kar sakta ki vishv ke sabse bade lokatantr ka nirvaachit neta vishv ke sabse puraane lokatantr ke nirvaachit pratinidhiyon ko sambodhit kare. Unhonne kaha, jab ham apni rananeetik bhaageedaari ko Bhaarat ke saath agale star par le jaana chaahate hain to ameriki netaaon ke liye yeh mahatvapoorn ho jaata hai ki ve vyaktigat taur par pradhaanamantri Modi tak pahunch banaaen, khaaskar haaliya itihaas ke maddenajar. Maikken ne kaha ki iseeliye main agale hafte Bhaarat yaatra par ja raha hoon aur iseeliye main prasann hoon ki raashtrapati Barack Obama ne pradhaanamantri ko Washington aane ka aamantran diya. Meri ichha thi ki ve is aamantran ko aur bhi pehle de dete, lekin fir bhi yeh sakaaraatmak hai. Modi ke September mein America aane ki ummeed hai. maikken ne apne bhaashan mein kaha ki dakshin Asia aur isse pare sthirta, svatantrata aur samruddhi ko khatra paida karne vaale charamapanth aur aatankvaad ko khatm karne ke liye milkar kaam karne mein Bhaarat aur America ke saajha hit hain.