Yooes Deligeshan Ke 'Modi Gaan Par Congress-BJP Mein Takaraar

India » Sunday, March 31, 2013

bhaasha. Gandhinagar/ Washington ameriki Congress ke teen sadasyon dvaara haal mein ki gayi Gujarat ki yaatra ke liye dhan muhaiya karaane ko lekar vivaad shuroo ho gaya hai. Congress ne iski aalochna ki hai, to BJP ka kehna hai ki agar koi Modi se milne ke liye paisa kharch karta hai to ismein kuchh galat naheen hai. Is beech ameriki Congress sadasyon ne bhjnyai un aaropon ko khaarij kar diya, jismein unki yaatra ki vaidhata par savaal uthaae gaye the. Gaurtalab hai ki ameriki Congress ke sadasya airaun shauk, sinthiya loomis aur kaithi M rojars haal mein Gujarat daure par aae the. Unke saath ek deligeshan bhi tha. Unhonne Modi ki taareef ki thi aur unhein America aane ka nyota diya tha. Unhonne kaha tha ki ve unhein visa dilaane ke liye kaam kareinge. Haalaanki yah yaatra ab vivaadon mein ghir gaya hai. Kaha yah ja raha hai ki is yaatra ke liye pratyek sadasya ko teen hajaar dollar se 16 hajaar dollar tak ada kiye honge. Chicago ke naishanal Indian American pablik paulisi instityoot (enaaaiepeepeeaai ) ne yaatra ka aayojan kiya tha. Congress pravakta Rashid alvi ne kaha, 'Yah sharmanaak hai ki ameriki Congress sadasyon ko visa haasil karne aur Modi ko vikaas ka pramaan patra dene ke liye dhan ka bhugataan kiya gaya. ' Congress neta shakeel Ahmad ne tweet kiya, 'Modi kehte hain tum mujhe visa do, main tumhein vyaapaar doonga. Ameriki kehte hain tum hamein vyaapaar do, ham tumhein visa deinge. Kaun kisko rishvat day raha hai yah lakh take ka savaal hai. ' doosari or, overseas bhaajapa ke sanyojak vijay jolly ne aaropon ko khaarij karte hue kaha ki ameriki Congress sadasyon ne apna dhan kharch kiya aur ismein kuchh bhi anuchit naheen hai. Jolly ka kehna hai ki America mein log raashtrapati ke saath raatri bhoj ke liye dhan ka bhugataan karte hain. Ameriki vyaapaari Bhaarat aana chaahate the. Unhonne apna dhan kharch kiya. Ve Narendra Modi ke shaasan se aakrusht hain. Ameriki Congress ke sadasya shauk ne kaha, 'Main sirf itna kahoonga ki hamaari is yaatra ko hamaari sarkaar ke uchit adhikaariyon ne manjoori di thi aur vishesh taur par pratinidhi sabha ne. Main kahoonga ki ameriki Congress ke sadasya aise hi desh se ravaana naheen ho gaye. '