Yooei Mein Bhaarateeya Football Team Ke Prashansako Ko Pinjare Mein Band Kiya Gaya

Sports »

Yooei Mein Bhaarateeya Football Team Ke Prashansako Ko Pinjare Mein Band Kiya Gaya

Dubai, 11 January (bhaasha) AFC Asiaee cup mein khel rahi bhaarateeya football team ke mejabaan yooei ke khilaaf guruvaar ko hue match se pehle Bhaarat ke prashansakon ko pakshiyon ke pinjare mein band kar diya gaya tha jiska video saarvajanik hone ke baad adhikaariyon ne kuchh logon ko giraftaar kiya hai. abudhaabi mein khele gaye is match mein yooei ne Bhaarat ko 2-0 se haraaya tha. is video mein pakshiyon ke pinjare mein kuchh majadoor kaid hai aur ek aadmi haath mein danda (chhadi) lekar baahar baitha hai. khaleej times ki report ke mutaabik haath mein chhadi lekar aadmi majadooron se poochhata hai ki ve kiska samarthan kar rahe hain to majadoor kehte hain bhaarateeya team ka. is par vah majadooron ko kehta hai ki yeh sahi naheen hai kyonki ve yooei mein rahate hai aur unhein yooei ka samarthan karna chaahiye. Vah pinjare par chhadi ghumaate hue bandhakon se dobaara poochhata hai ki ve kiska samarthan kareinge is baar majadooron ka javaab hota hai yooei. Iske baad vah pinjara khaal deta hai aur majadoor baahar nikal jaate hain. yooei mein aise maamalon mein chhah maheene se 10 saal tak ki saja aur 50,000 se 20 lakh dirham (13,611 dollar se 5.44 lakh dollar) tak ka jurmaana ho sakta hai. yooei ke attorney general ke office ne ek bayaan mein kaha, '' video mein kathit taur par ek vyakti ko dikhaaya gaya hai jisne pakshiyon ke pinjare mein Asiaee mool ke kai purushon ko kaid kar rakha hai aur vah kaidiyon ko AFC eshiyi cup mein Bhaarat ke khilaaf match mein yooei ki raashtreeya team ka samarthan karne ko kah raha hai. '' is beech is video ko Youtube ko par daalne vaale ne kaha ki usane ise bas majaak ki tarah kiya tha. usane logon se usaki bhaavana samajhne ki gujaarish karte hue kaha, '' ye sabhi log mere karmachaari hain. Ek ko main 22 saal se jaanta hoon. Main is firm mein in logon ke saath rahata hoon, ham ek hi thaali mein khaana khaate hai. Mainne unhein maara naheen, na hi vaastav mein kisi ko kaid kiya tha. '' gulf news ki khabar ke mutaabik shaarajaah police ne video saarvajanik hone ke baad kuchh logon ko giraftaar kiya hai.

Yooei Mein Bhaarateeya Football Team Ke Prashansako Ko Pinjare Mein Band Kiya Gaya https://www.angrejinews.com/pic/247187