Yogyata Aadhaarit Aavrajan Pranaali Ka Prastaav Lekar Aaenge Trump

Business »

Yogyata Aadhaarit Aavrajan Pranaali Ka Prastaav Lekar Aaenge Trump

(lalit ke jha) Washington, 16 May (bhaasha) ek aham neetigat bayaan mein ameriki raashtrapati donaald trump desh ki aavrajan neeti mein aamoolachool badlaav karne ki ghoshana ke liye poori tarah taiyaar najar aae jo videshiyon ko maujooda vyavastha se itar yogyata ke aadhaar par tarajeeh degi. Maujooda vyavastha mein paarivaarik sambandhon ko tarajeeh di jaati hai. Isse hajaaron ki taadaad mein green card ka intajaar kar rahe bhaarateeya peshevaron ki peeda khatm ho sakti hai. trump ke daamaad jered kushanar ki yeh nai yojana mukhya roop se seema suraksha ko majaboot karne aur greenakaard tatha vaidh sthaayi nivaas pranaali ko durust karne par keindrit hai jisse yogyata, uchch degree dhaarak aur peshever yogyata rakhane vaale logon ke liye aavrajan pranaali ko sugam banaaya ja sake. maujooda vyavastha ke tahat kareeb 66 feesad green card un logon ko diya jaata hai jinke paarivaarik sambandh hon aur sirf 12 feesad hi yogyata par aadhaarit hai. trump ki is nai yojana ka guruvaar dopahar white house ke roj garden mein ailaan karne ka kaaryakram hai. haalaanki is yojana ko amaleejaama pahanaana Congress ke vibhaajit hone, khaaskar aavrajan sudhaar ke mudde par, mushkil bhara kaam hone wala hai. raashtrapati apne riplbikn saansadon ko is mudde par samajhaane mein safal ho jaaen to bhi saansad Nancy pelosi ke netrutv vaale democrat aur doosare neta iske dhur virodh mein khade hain.

Yogyata Aadhaarit Aavrajan Pranaali Ka Prastaav Lekar Aaenge Trump https://www.angrejinews.com/pic/274872