Yeh Sirf Aur Sirf BJP Ki Jeet Sushma Swaraj

Breaking »

Yeh Sirf Aur Sirf BJP Ki Jeet  Sushma Swaraj

Bhopal: Loksabha chunaav ke liye daale gaye maton ki ganana mein BJP ki bhaari jeet ke sanket ke saath hi party ki varishth neta aur Loksabha mein vipaksh ki neta Sushma Swaraj ne kaha ki yeh sirf aur sirf BJP ki jeet hai, kyonki party ne apne dam par bahumat haasil kiya hai. baharahaal Sushma ne BJP ki sarkaar banane par khud ko mantrimandal mein liye jaane ke baare mein poochhe gaye savaalon ko taalate hue kaha ki mantrimandal gathit karna pradhaanamantri ka visheshaadhikaar hota hai. Sushma ne kaha, yeh sirf aur sirf BJP ki jeet hai. Haalaanki hamein itni seatein mil chuki hain ki ham bina kisi dabaav ke, apne dam par sarkaar banaaen, lekin ham apne sahayogiyon ke saath milkar sarkaar banaaenge. Modi sarkaar mein kya Sushma shaamil hongi, is par unhonne kaha ki abhi kuchh bhi kehna jaldabaaji hogi. Sushma ne kaha, aise savaal kalpana vaale hain. Apna mantrimandal gathit karna pradhaanamantri ka visheshaadhikaar hota hai aur kuchh nirnaya sansadeeya board dvaara saamoohik taur par liye jaate hain, isliye aise savaal to aparipkv hain. aisi khabarein hain ki Sushma ko jo mantraalaya dene ki peshakash ki gayi hai, usase vah naakhush hain aur bataaya jaata hai ki unhonne BJP netrutv se kaha hai ki unhein unke kad ke anuroop pad diya jaana chaahiye. Bataaya jaata hai ki Sushma sheersh chaar mantraalayon - gruh, raksha, videsh ya vitt mantraalaya mein se koi ek chaahati hain.

Yeh Sirf Aur Sirf BJP Ki Jeet Sushma Swaraj https://www.angrejinews.com/pic/50737