Yashavant, Jasavant Ko BJP Ki Nai Team Mein Naheen Mili Jagah

Breaking »

Yashavant, Jasavant Ko BJP Ki Nai Team Mein Naheen Mili Jagah

Nai Delhi. . BJP ke senior leedar jasavant Singh aur yashavant sinha un jaane-maane netaaon mein shaamil hain jo party ke nae adhyaksh Rajnath Singh ki kor team mein sthaan paane mein vifal rahe hain. Atal bihaari Vajpayee ke netrutv waali NDA sarkaar mein jasavant Singh aur yashavant sinha varishth mantri rahe hain. In donon netaaon ka naam BJP sansadeeya board, keindreeya nirvaachan samiti ya keindreeya anushaasanaatmak samiti mein naheen hai. Lekin 80 sadasyeeya BJP raashtreeya kaaryakaarini mein unka naam shaamil kiya gaya hai. 123 sthaayi aur vishesh aamantrit sadasya bhi hain. Nai team mein jin anya jaane-maane netaaon ko jagah naheen di gayi hai unamein Najma hepatulla, Hema maalini aur shaanta Kumar shaamil hain. Pichhli team mein ye log upaadhyaksh the. Isi tarah uttar pradesh ke varishth neta kalaraaj mishr aur vinaya katiyaar bhi ab upaadhyaksh naheen rahe. Ravishankar prasaad ab party mahaasachiv aur mukhya pravakta naheen hain, lekin Rajyasabha mein BJP ke upaneta bane raheinge. Uttaraakhand ke party netaaon bhagat Singh koshyaari aur ramesh pokhariyaal nishank bhi ab upaadhyaksh naheen rahe. Isi tarah Gujarat se saansad aur Modi ke vishvaasapaatr purushottam roopaala bhi ab upaadhyaksh naheen rahe. Haalaanki unka naam vruhat raashtreeya kaaryakaarini samiti mein shaamil hai. Cricketer se neta bane navajot Singh siddhoo ko sachiv pad se hata diya gaya hai lekin unhein party ki raashtreeya kaaryakaarini mein jagah di gayi hai. Isi tarah aiktar se neta bane shatrughn sinha aur vinod khanna ko bhi sachiv pad se hata diya gaya hai, lekin raashtreeya kaaryakaarini mein jagah di gayi hai.

Yashavant, Jasavant Ko BJP Ki Nai Team Mein Naheen Mili Jagah https://www.angrejinews.com/pic/3970