Yaatriyon Ke Liye Jamaanat Sareekhe Baand Pesh Karega Britain

World »

Yaatriyon Ke Liye Jamaanat Sareekhe Baand Pesh Karega Britain

London. . Adhik jokhim vaale deshon se Britain aakar tay miyaad se adhik samay tak thaharane vaale logon par ankush lagaane ke liye Britain ki sarkaar ne hajaaron pound ke moolya ke jamaanat sareekhe baand pesh karne ki shukravaar ko ghoshana ki. Britain ke up pradhaanamantri nick kleg dvaara ghoshit kiye gaye nae prastaavon ke tahat kuchh nishchit deshon se Britain aane vaale videshiyon ko jamaanat sareekhe baand jama karne honge. Kleg ne kaha, 'Kuchh khaas maamalon mein, ek adhik jokhim vaale desh se visa ke liye aavedan karne vaale vyakti ko saamaanya maanak par khara utarane ke alaava use ek tarah ki nakad guaranty jama karni padegi. Britain chhodte samay vyakti ke baand ka punarbhugataan kar diya jaaega. ' unhonne kaha ki yookebeee (UK border agency) is saal ke ant tak ek pilot yojana chalaane ke liye in adhik jokhim vaale deshon ki ek soochi taiyaar karegi. Yadyapi agency dvaara adhik jokhim vaale deshon ka vargeekaran abhi kiya jaana hai, Britain ke media mein ye atkalein lagaai ja rahi hain ismein Pakistan aur bhaarateeya upamahaadveep ke kuchh anya desh shaamil ho sakte hain. Saath hi soochi mein pashchim Asia ke kuchh deshon ko shaamil kiya ja sakta hai

Yaatriyon Ke Liye Jamaanat Sareekhe Baand Pesh Karega Britain https://www.angrejinews.com/pic/3500