'YSR Congress Ka Chunaav Chinh Hai Pankha, Sarkaari Daftaron Se Hataae Jaaen Seeling Fan

Breaking »

'YSR Congress Ka Chunaav Chinh Hai Pankha, Sarkaari Daftaron Se Hataae Jaaen Seeling Fan

Amaraavati Andhra pradesh mein chunaav aayog ke adhikaariyon se saamane guruvaar ko ek ajeeb si sthiti tab ban gayi, jab yahaan sattaarudh telugu desham party ke neta yahaan nirvaachan aayog ke adhikaariyon ke paas ek ajeeb si maang lekar pahunch gaye. Teedeepi ke netaaon ne yahaan chittoor jile tahaseeladaar ke kaaryaalaya mein pahunchakar kaha ki yahaan ke sabhi sarkaari kaaryaalayon ke pankhe utaar diye jaaen, jisse ki aachaar sanhita ka ullanghan na ho. Afsaron ne jab in kaaryakartaaon se iska kaaran poochha to teedeepi workers ne daleel di ki choonki raajya mein chunaav lad rahi vaaiesaaar Congress ka chunaav chinh pankha hai, aise mein sarkaari ofison mein lage pankhon ko bhi aachaar sanhita laagoo rahane tak nikaal diya jaae. Daraasal, teedeepi ke kaaryakartaaon ka yeh deleegeshan guruvaar ko yahaan nirvaachan aayog ke us faisale ka virodh karne ke liye pahuncha tha, jiske tahat aachaar sanhita lagne ke baad sarkaari daftaron se CM chandrabaaboo Naidu ki photo hata di gayi thi. Aayog ki is kaarravaai ke baad teedeepi ke sthaaneeya neta jayashankar guruvaar ko yahaan tahaseeladaar kaaryaalaya pahunche aur kaha ki nirvaachan aayog sabhi sarkaari ofison mein lage seeling fan ko niklavaakar inka istemaal band kare. Jab afsaron ne iska kaaran poochha to kaaryakartaaon ne aachaar sanhita ke niyamon ka havaala de diya. Tahaseeladaar ne uchch adhikaariyon ko bheja patra Teedeepi neta jayashankar ne kaha ki choonki raajya mein sabhi staichoo dhaank diye gaye hain aur CM chandrabaaboo ki saari tasveeron ko sarkaari ofison se hata diya gaya hai, aise mein aachaar sanhita ke niyamon ka paalan karne ke liye sabhi daftaron se pankhe hata diye jaaen. Jayashankar ne kaha ki teedeepi ke khilaaf chunaav lad rahi vaaiesaaar Congress ka chunaav chinh pankha hai, aise mein sarkaari office mein seeling fan lage hone se shuchita prabhaavit hogi. Haalaanki, tahaseeladaar janaardan setti ne teedeepi ke is maang par deligeshan mein shaamil logon se kaha ki vah is sambandh mein uchch adhikaariyon ko patra bhejeinge aur jo bhi aadesh milega us anusaar kaarravaai ki jaaegi. Bata dein ki jis chittoor jile mein yeh maang ki gayi hai, vah CM chandrabaaboo Naidu ka gruh janapad bhi hai.

'YSR Congress Ka Chunaav Chinh Hai Pankha, Sarkaari Daftaron Se Hataae Jaaen Seeling Fan https://www.angrejinews.com/pic/261196