World Cup Door, Abhi Is Badi Jeet Ka Aanand Lene Ka Samay Khwaaja

Cricket »

World Cup Door, Abhi Is Badi Jeet Ka Aanand Lene Ka Samay Khwaaja

Nai Delhi Australiaee team ke salaami ballebaaj usmaan khwaaja ka kehna hai ki unke liye Bhaarat ko usaki sarjameen par paraajit karna bahut badi upalabdhi hai aur yeh vishv cup ke baare mein sochane ke bajaay is jeet ka lutf uthaane ka samay hai. Baaen haath ke is salaami ballebaaj ne Australiaee team ki series mein 0-2 se pichhadne ke baad vaapasi karte hue 3-2 se mili jeet mein aham bhoomika nibhaai. Khwaaja ne 5 maichon mein 50, 38, 104, 91 aur 100 run ki paariyaan kheleen. Khwaaja ko main of the series chuna gaya. Unhonne kaha, 'Yeh jeet kaafi badi hai. Bhaarat mein series jeetna hi bahut badi baat hai. Yahaan aakar khelna kaafi kathin hai aur vah bhi ek bahut achhi team ke khilaaf. Unhonne hamein Australia mein haraaya tha, isliye 2 maichon mein mili haar ke baad vaapasi karte hue lagaataar 3 match jeetkar series jeetna shaanadaar hai. ' Padhein, Ranji team mein chayan ke naam par 80 lakh thage Unhonne kaha, 'Ham abhi achha khel rahe hain. Ham is samay sirf is series ka lutf uthaaenge. Hamein abhi Pakistan ke khilaaf bhi 5 one-day khelne hain jo ek achhi team hai. Hamaare liye abhi itna aage dekhna jaroori naheen hai, ham pehle is jeet ka aanand uthaana chaahate hain. ' Yeh poochhane par ki is tarah ka shaanadaar pradarshan Australia ko world cup khitaab ka bachaav karne ka daavedaar banaata hai to khwaaja ne kaha, ''Main sunishchit naheen hoon. World cup abhi bahut door hai. Humne kuchh achha cricket khela hai. Aage badhate hue yeh maayane naheen rakhata. Kuchh nae match honge, nai teemein hongi, naya wicket hoga. ' Padhein, Free-hit ke faurmyule se test cricket ko karaaenge hit Khwaaja ne kaha, 'Lambe samay tak cricket khelne ke baad main jaan gaya hoon ki agar aap jyaada aage ke baare mein sochate ho to aap mushkil mein pad jaate ho. Hamein kadi mehnat karte hue aage badhte rahana chaahiye. Ummeed karte hain ki ham aisa karte rahe, baaki sab bhi theek ho jaaega. '

World Cup Door, Abhi Is Badi Jeet Ka Aanand Lene Ka Samay Khwaaja https://www.angrejinews.com/pic/261176