Wimbledon Serena Williams Aur Haalep Ki Semifinal Mein Entry

Sports »

Wimbledon Serena Williams Aur Haalep Ki Semifinal Mein Entry

Landanaamerika ki diggaj serena Williams ne mangalvaar ko yahaan hamavatan elisn riske par teen set tak chale sangharshapoorn mukaabale mein jeet darj kar Wimbledon tennis toornameint mein 12veen baar semifinal mein jagah banaai. Saat baar ki champion serena ne gairavareeyata praapt riske ko 6-4, 4-6, 6-3 se haraaya. Is match mein serena ne aakhir mein apne anubhav ka faayda uthaaya kyonki riske ne do ghante tak chale match mein unhein kaafi sangharsh karavaaya. 37 saal ki serena haalaanki aakhir mein Wimbledon mein apni 97veen jeet darj karne mein safal raheen. Ukraine ki aathaveen vareeyata praapt ilina svitlona ne pehli baar is graas court toornameint ke semifinal mein jagah banaai. Unhonne check ganaraajya ki gairavareeyata kaarolina muchova ko 7-5, 6-4 se haraaya. Svitlona semifinal mein romaaniya ki simona haalep se bhideingi. Padhein, rohan bopanna aur sharan Wimbledon miksd dabals mein haar se hue baahar Unhonne cheen ki jhaang shuhaai ko 7-6 (7/4), 6-1 se haraakar doosari baar Wimbledon semifinal mein pravesh kiya. Serena semifinal mein check ganaraajya ki baarabora streekova ka saamaana kareingi jinhonne French open ki faainalist british khilaadi yohaana konta ko 7-6, 6-1 se paraajit kiya. Serena ke liye kvaurtar final ki jeet aasaan naheen rahi. Riske ne teesare set mein aathavein game mein chauthe break point par double fault kiya. Iske baad serena ne apni service par match jeeta. Pehle set mein serena ne do avsaron par apni service ganvaai lekin unhonne sahi samay par vaapasi ki aur riske ki service todkar yeh set apne naam kiya. Doosare set mein haalaanki riske ne 9vein game mein break point lekar 5-4 se badhat haasil ki aur fir apni service par yeh set jeetkar match ko teesare aur nirnaayak set tak kheencha.

Wimbledon Serena Williams Aur Haalep Ki Semifinal Mein Entry https://www.angrejinews.com/pic/285827