West Indies Ne Sri Lanka Se Shrunkhala Jeeti

Business »

West Indies Ne Sri Lanka Se Shrunkhala Jeeti

Daambula: West Indies ki mahila team ne apne kam score ka safalataapoorvak bachaav karke Sri Lanka ko teesare aur aakhiri ekadivseeya antararaashtreeya cricket match mein 33 run se haraakar shrunkhala 2-1 se jeeti. West Indies ne toss ganvaane ke baad pehle ballebaaji ka nyauta milne par nau wicket par 191 run banaae. Iske javaab mein Sri Lanka ki team nirdhaarit 50 overon mein nau wicket par 158 run hi bana paai. Sri Lanka ne chamaani seneviraatana (33 run dekar chaar wicket) ki aguvaai mein geindabaajon ke achhe pradarshan se West Indies ko bada score naheen banaane diya. West Indies ki taraf se shemini Campbell ne sarvaadhik 37 run banaae jabki kaptaan merisa eguileera ne 29 run ka yogadaan diya. Iske baad Sri Lanka ki team poore 50 over khelne mein safal rahi lekin uske ballebaajon ne behad dheema khel dikhaaya. Iske alaava teen ballebaajon ke run out hone ka bhi team ko khaamiyaaja bhugatna pada. Shashikla shreevardhane ne sarvaadhik 29 run banaae lekin iske liye unhonne 78 geind kheli. West Indies ki taraf se trimaane smart sabse safal geindabaaj rahi. Unhonne 26 run dekar do wicket liye.

West Indies Ne Sri Lanka Se Shrunkhala Jeeti https://www.angrejinews.com/pic/2896