Warriors Ne Sunrisers Ko 126 Par Roka

Cricket »

Warriors Ne Sunrisers Ko 126 Par Roka

agencyan . Hyderabad Pune Warriors ke baulars ne anushaasit bauling kar Indian Premier league (IPL) -6 mein apna pehla match khel rahi sunrisers Hyderabad ko shukravaar ko yahaan nirdhaarit 20ovar mein chhah wicket par 126 run hi rok diya. Sunrisers ka ek bhi baitsamain half century tak naheen bana paaya. IPL ki nai team sunrisers ke liye tisaara parera ne sabse jyaada 30 run banaae . Uske sheersh kram ke ballebaajon akshat Reddy (27), paarthiv Patel (19) aur captain Kumar sangakaara (15) ne crease par paryaapt samay bitaaya lekin ve badi paari khelne mein naakaam rahe. Meediym pesar ashok dinda (2/ 29) Pune Warriors ke sabse kaamayaab baular rahe jabki bhuvaneshvar Kumar, Yuvraj Singh aur Rahul sharma ne kifaayati bauling kar ek ek wicket haasil kiya. Sunrisers ne pehle batting ke liye bulaae jaane par pehle das over mein paarthiv aur sangakaara ke wicket ganvaakar 60 run banaae. Paarthiv ne abhi apne teekhe tevar dikhaane shuroo kiye hi the ki ashok dinda ki in-swinger unka of stump ukhaad le gayi. Sangakaara ne achhi paari khelne ke mood mein dikh rahe the lekin leg spinner Rahul sharma ne unhein apni flight se gachcha dekar bold kar diya. Opener akshat Reddy ne 13vein over tak ek chhor sambhaale rakha lekin vah kuchh khaas naheen kar paae. Yuvraj ne unhein flight se chhaka kar unka leg stump bikher diya. Cameroon vaait bhi 18 geind kharch karke aur das run banaakar pavilion laut gaye. Sunrisers ka score 17veinn over mane 100 run ke paar pahuncha. Parera ne marlon Samuels ke is over mein ek chhakka aur ek chauka jadkar 15 run batore. Lekin parera bhi teji se run banaane ke fer mein ashok dinda ki fulataus midof par Pande ko catch thama kar pavilion laut gaye. Unhonne 18 geind kheli tatha teen chauke aur ek chhakka lagaaya. Score board sunrisers Hyderabad: Akshat Reddy bo Yuvraj 27, paarthiv bo dinda 19, sangakaara bo Rahul sharma 15, Cameroon vauit kau. Marsh bo Samuels 10, parera kau. Pande bo dinda 30, hanuma vihaari kau. Dinda bo bhuvaneshvar 11, aasheesh Reddy not-out 7, deebi ravi teja not-out 4, atirikt 3, kul (20 over mein 6 wicket par) : 126 wicket patan : 1-34, 2-60, 3-72, 4-83, 5-109, 6-116 geindabaaji : Samuels 4-0-34-1, bhuvaneshvar 4-0-17-1, dinda 4-0-29-2, Matthews 2-0-16-0, Rahul sharma 4-0-21-1, Yuvraj Singh 2-0-8-1.

Warriors Ne Sunrisers Ko 126 Par Roka https://www.angrejinews.com/pic/4615