Warriors Ki Nigaahein Ab Mumbai Ko Haraane Par

Cricket »

Warriors Ki Nigaahein Ab Mumbai Ko Haraane Par

Mumbai. . Pichhle season se chale aa rahe 11 maichon mein haar ke kram ko todne ke baad Pune Warriors ka saamana ab shanivaar ko IPL-6 ke match mein Mumbai Indians se hoga. Satr ke pehle do maichon mein lagaataar haar jhelne ke baad Pune Warriors ne Rajasthan Royals par guruvaar raat ek over baaki rahate saat wicket se jeet darj ki thi. Pune ne IPL mein aakhiri jeet 21 April 2012 ko Delhi Daredevils ke khilaaf darj ki thi. Pune ab Mumbai jaisi majaboot team ko haraakar apna aatmavishvaas badhaana chaaheinge. Rang laute Warriors ke baitsamain: Rajasthan ke khilaaf Pune Warriors ke baitsamain rang mein laut aae. Pichhle match mein marlon Samuels ko lagi chot ke kaaran team sanyojan mein thoda badlaav karna pada, jo faayademand saabit huaa. Pune Warriors ke opener raubin uthappa ne aakraamak 32 run banaae vaheen Aaron finch ne nibhaai jisne 53 baul mein 64 run banaae. Yuvraj Singh ne not-out 28 run banaakar Pune Warriors ko jeet tak pahunchaaya. Uthappa aur finch ne shaanadaar shurooaat karke chauthe hi over mein 50 run bana liye the. Mumbai ke khilaaf bhi Pune ko tej aagaaj ki darkaar hai. Pune ke baulars ne dikhaai hai dhaar: Wankhede stadium par donon teemon ke beech 2012 mein hue pichhle match mein Pune ne Mumbai ko 101 run par rok diya tha aur ashok dinda ne us match mein chaar wicket chatakaae the. Teenon maichon mein Pune Warriors ke baulars ne achha pradarshan kiya haalaanki Rajasthan ke khilaaf bhuvaneshvar Kumar mahange saabit hue the. Wankhede stadium se milne vaale uchhaal se Pune ke khaaskar leg spinner Rahul sharma ko faayda milega. Mumbai Indians ke hausale hain buland: Mumbai Indians ke hausale chennai super kings aur Delhi Daredevils ko haraane ke baad buland hai. Mumbai ko haalaanki apne pehle match mein aaraseebi ke haathon do run se haar jhelni padi thi. Wicket-keeper baitsamain dinesh kaartik ne teen maichon mein abhi tak 183 run bana liye hain. Pichhle match mein kaartik ne 86 run ki aatishi paari khel kar Mumbai ko shurooaati jhatako se ubaar kar vishaal score tak pahunchaaya tha. Do maichon mein ghatiya pradarshan karne ke baad rohit sharma bhi firm mein laute aur 74 run banaae. Ambati raayudoo ne sankshipt aatishi paari kheli. Sone par suhaaga kiron Pollard ka rang mein hona hai. Mumbai ke chinta ka sabab Ricky Ponting aur savin Tendulkar ka rang mein naheen hona hai. Malinga ke aane majaboot hui bauling: Mumbai ke baulars poore rang mein hain. Khaastaur par raftaar ke saudaagar lasit malinga ki vaapasi se daith overon mein geindabaaji ko majabooti mili hai. Aaraseebi ke khilaaf pehle match mein jasapreet bumara jaise anajaan baular ko utaara, jinhonne pehle match mein apni damadaar bauling se sabhi ko hairaan ka diya tha. Delhi Daredevils ke khilaaf khelne waali team mein badlaav ki haalaanki ummeed kam hi hai.

Warriors Ki Nigaahein Ab Mumbai Ko Haraane Par https://www.angrejinews.com/pic/5356