Warriors Ke Saamane Rajasthan Ka 'Royal Chaileinj

Cricket »

Warriors Ke Saamane Rajasthan Ka 'Royal Chaileinj

Pune. . Shuruaati maichon mein lachar pradarshan karne waali Pune Warriors ab apne all-rounder Yuvraj Singh ke fit ho jaane se aatmavishvaas se saraabor Rajasthan Royals ke khilaaf guruvaar ko yahaan hone vaale IPL -6 ke match mein badhe manobal ke saath maidaan par utaregi. Yuvi fit, Samuels unfit: Pune Warriors team ke coach elan daunald ke mutaabik Yuvraj ka match khelne ke liye fit hain lekin Pune ko vest Indies ke all-rounder marlon Samuels ki sevaaen naheen mil paaengi, jo maansapeshiyon mein khinchaav ke is match mein naheen khel paaenge. Rajasthan Royals ne pichhle match mein maujooda chaipiyn Kolkata night Riders (kekeaar) par 19 run se jeet darj ki. Rajasthan ki yah do maichon mein lagaataar usaki doosari jeet thi. Taylor aur yuvi ka rang mein rahana jaroori: Warriors ke liye Ross Taylor aur Yuvraj ka rang mein rahana bahut jaroori hai. Yuvraj kings eleven Punjab ke khilaaf Pune ke pehle ghareloo match mein peeth ki takaleef ke kaaran ain mauke par baahar ho gaye the. Isse pehle sunrisers Hyderabad ke khilaaf match mein vah koi kamaal naheen kar sake. Taylor aur yuvi ke rang mein na hone ka bhi Warriors ko khaamiyaaja bhugatna pada hai. Smith ko na utaarana samajh se pare: Yah abhi tak samajh mein naheen aaya hai ki pichhle IPL mein unke star rahe Australia ke Steve smith ko Warriors ne abhi tak kyon naheen utaara hai. Aisi sambhaavana hai ki guruvaar ko vah Michelle marsh ki jagah khel sakte hain. Raubin uthappa aur maneesh Pande ki salaami jodi bhi Pune ke liye koi kamaal naheen kar saki hai. Uthappa ne shurooaat achhi ki lekin badi paari naheen khel sake. Warriors Angelo Matthews do maichon mein koi kamaal naheen kar sake. Unhein aur Abhishek Nair ko balle aur geind se kamaal dikhaana hoga. Bhuveshvar Kumar ki aguvaai mein Warriors ke paas achha bauling ataik hai. Laya mein hai Royals: Doosari or Delhi aur Kolkata ke khilaaf do kareebi mukaabale jeetne waali Rajasthan Royals laya ko khona naheen chaaheinge. Rajasthan ke captain Rahul Dravid ne Delhi ke khilaaf half century jadi jabki ajinkya rahaane bhi laya mein hain. Stuart binni achhe all-rounder ki tarah khele hain. Bauling hai dhaaradaar: Rajasthan Royals ke meediym pesar kevon koopar ne donon maichon mein umda bauling ki. Saath hi uske pesar S. Shreeshaant, shaun tet aur siddhaarth trivedi ki trimoorti achhi bauling kar rahe hain.

Warriors Ke Saamane Rajasthan Ka 'Royal Chaileinj https://www.angrejinews.com/pic/5126