Wankhede Stadium Par Naheen Ja Sakeinge Shahrukh, Jaari Hai Ban

Cricket » Sunday, March 31, 2013

Mumbai. . Mumbai cricket asosiyeshan (MCA) dvaara Kolkata night Riders ke maalik Shahrukh Khan par lagaaya gaya paanch saal ka pratibandh jaari rahega aur vah is saal bhi Wankhede stadium par Mumbai Indians ke khilaaf apni team ke match naheen dekh sakeinge. MCA ke jauint sekretari nitin dalaal ne kaha, 'Mumbai Indians ke saath somvaar ko hone vaale kauntraikt mein ek praavadhaan hai ki jis vyakti ke bhi stadium mein pravesh par rok hai, vah hamaare kaimpas mein naheen aa sakta . Yah kisi ek vyakti vishesh ke baare mein naheen hai. ' dalaal ne kaha ki humne IPL adhikaariyon aur team maalikon samet sabhi ko is baare mein bata diya hai. Ek anya jauint sekretari pi vi Shetty ne is maamale par aage baat karne se inkaar karte hue kaha ki pratibandh laagoo rahega. Is beech pata chala hai ki MCA ke surakshaakarmiyon ko adhikaariyon ne bata diya hai ki 3 April se shuroo ho rahi IPL ke chhathe session ke dauraan ve Shahrukh ko kaimpas mein na ghusne dein. Shahrukh ke Wankhede stadium samet MCA parisar mein pravesh par paanch saal ka ban hai. Vilaasaraav Deshmukh ki adhyakshata waali MCA ki mainejing committee ne pichhle saal 18 May ko yah faisala liya tha, jab baulivud star Wankhede stadium mein surakshaakarmiyon se bhid gaye the. Shaaharookh ne haalaanki inkaar kiya ki unhonne koi badasalooki ki thi. Unhonne kaha tha ki suraksha staaf ne bachchon ke saath badtameeji ki thi, jiske baad unhein yah kadam uthaana pada.