Wankhede Ke Fains Par Bhadke Viraat

Cricket »

Wankhede Ke Fains Par Bhadke Viraat

-raayudoo ke ranaaaut hone par hooting se aahat hue Bangalore ke captain agencyan. Mumbai darshakon ki hooting ke shikaar hue royal Challengers Bangalore ke captain viraat Kohli ne kaha ki IPL fains yah bhool jaate hain ki vah Bhaarat ke liye bhi khelte hain aur is tarah ke bartaav se khilaadiyon mein nafarat paida hogi. Mumbai Indians ke khilaaf aaraseebi ke match ke dauraan ek vivaadit ranaaaut ke baad Wankhede stadium par darshakon ne Kohli ki hooting ki. Kohli ne Mumbai Indians ke baitsamain Ambati raayudoo ke ranaaaut ki appeal ki thi, jo ajeebogareeb dhang se out hue. Raayudoo ne apna bait jameen par tikaaya tha aur baad mein vah hava mein chala gaya, jab vah baular vinaya Kumar se takaraae. Usi samay Kohli ke seedhe throw ne gilliyaan bikher di. Bangalore ne teesare anpaayar ko faisala saunpa, jinhonne raayudoo ko out karaar diya. Isse darshak naaraaj ho gaye aur unhonne Kohli ko 'Cheet (dhokhebaaj)' kaha. Kohli ko batting aur award seremani ke dauraan bhi darshakon ka krodh jhelana pada. Match ke baad usane kaha, 'Jahaan tak darshakon ka savaal hai to pehle bhi kuchh khilaadiyon ke saath aisa huaa hai. Mujhe samajh mein naheen aata ki IPL ke dauraan ve itne uttejit kyon ho jaate hain? IPL hi sab kuchh naheen hai. Ve yah bhool jaate hain ki jis khilaadi ki ve hooting kar rahe hain, vah desh ke liye bhi khelta hai. ' Kohli ne kaha ki Wankhede stadium par darshakon ka bartaav unki samajh mein naheen aaya. Unhonne kaha, 'Isse khilaadiyon mein nafarat paida ho rahi hai. Jab main Bhaarat ke liye kheloonga to vah mere liye taaliyaan bajaaenge. Aap Bangalore aakar dekho to pata chalega ki bhaarateeya khilaadiyon ki kaise taareef ki jaati hai. Mujhe samajh mein naheen aata ki yahaan logon ko kya pareshaani hai. Yah ajeeb lagta hai, kyonki aakhir to aap Bhaarat ke liye khelte hain aur aap yahaan isliye naheen aate ki log aapse nafarat kare. Bangalore mein dekhe, koi bhi jeete ya haare, har captain ka taaliyaan bajaakar svaagat hota hai. Har bhaarateeya khilaadi ka bhi. ' ranaaaut vaakaye ke baare mein Kohli ne kaha, 'Log achhe cricket ki saraahana karte hain. Mujhe samajh mein naheen aata ki yahaan log doosari teemon se itni nafarat kyon karte hain. Maine pehle bhi kaha ki IPL hi sab kuchh naheen hai. Cricket ka gyaan hona bahut jaroori hai. Yadi baular jaanboojhkar baitsamain ko baadha pahunchaata to anpaayar baitsamain ko rok dete. Baular ne vahaan baitsamain ko dekha naheen tha aur na hi baitsamain ne baular ko. Donon takara gaye. '

Wankhede Ke Fains Par Bhadke Viraat https://www.angrejinews.com/pic/7046