Vyavastha Badalne Nikla Hoon Anna

Breaking »

Vyavastha Badalne Nikla Hoon  Anna

S. Pi. Raavat. Kurukshetr jab tak shareer mein praan hain, tab tak vyavastha parivartan ko lekar sangharsh karta rahoonga kyonki satta parivartan se desh badalne vaala naheen hai, iske liye vyavastha parivartan bahut jaroori hai. Yah kehna hai samaajasevi anna hajaare ka, jo thaapar ground yamunaanagar mane der shaam vishaal janasabha ko sambodhit kar rahe the. Unhonne kaha ki satta parivartan se desh ka vikaas naheen ho sakta kyonki aaj sabhi paartiyaan bhrashtaachaar mane lipt hain. Is samay Loksabha mein 163 saansad daagi hain aur jab daagiyon ko matadaata jitaakar bhejeinge to desh ke haalaat bad se badatar honge hi. Unhonne kaha ki kendra sarkaar isi kaaran majaboot Lokpal naheen bana rahi kyonki use pata hai ki agar Lokpal ban gaya to 15 keindreeya mantri salaakhon ke peechhe band honge. Unhonne kaha ki mainne RTI ke liye 12 saal sangharsh kiya aur yah poore desh mein laagoo huaa. Isi ki badaulat aaj koyala, khel, telikaum, hailikauptar ghotaala saamane aaya hai, jismein arabon rupaye ka golamaal kiya gaya hai. Isliye aaj satta parivartan naheen balki vyavastha parivartan ki aavashyakta hai. Unhonne kaha ki vyavastha parivartan yuva hi kar sakte hain. Anna hajaare ne kaha ki janataantrik morcha chunaav mein apne ummeedavaar naheen utaarega aur kisi dal ka samarthan bhi naheen karega. Unhonne janta se aagrah kiya ki vah khud chaar-paanch sambhaavit ummeedavaaron ka chayan kar usaka sarvekshan karavaakar jyaada pratishat vaale ummeedavaar ko khada karein. Jab svachh chhavi ke log satta mein jaayeinge to desh va samaaj ka apne aap bhala ho jaayega. Poorv senaadhyaksh VK Singh ne kaha ki yah ladaai yuvaaon ke bhavishya ke liye ladi ja rahi hai. Isliye sabhi ko sangathit hokar is ladaai mein judna chaahiye. Unhonne kaha ki aaj sena ki tarj par apna ek alag tantr banaane ki ati aavashyakta hai, ab desh ke jo haalaat hain aur vyavastha parivartan ki jo ladaai aarambh ki gayi hai iske liye kaaryakartaaon ki sena ki jaroorat hai. Soofi world kaaunsil ke adhyaksh mulaana jilaani ne kaha ki jantantra yaatra Punjab se aarambh ki gayi hai aur isse sudhaar ki muhim chalaai ja rahi hai.

Vyavastha Badalne Nikla Hoon Anna https://www.angrejinews.com/pic/4499