Vyaapaari Ki Hatya Ki Gutthi Police Ne Sulajhaai

Breaking » Thursday, April 18, 2013

enabeeti news . Hisaar baravaala anaaj mandi ke aadhti Krishna Agrawal ki gaanv data mein hatya ki gutthi police ne sulajhaane ka daava kiya hai. DSP S. S. Chahal ne bataaya ki gaanv data ke hi do yuvakon vikki aur sonoo ne aadhti se rakam lootane ke baad usaki hatya ki thi. Donon aaropiyon ke khilaaf bhaarateeya dand sanhita ki dhaara 302 ke tahat hatya ka mukadama darj kar liya gaya hai. Police ne mrutak Krishna ke bhaai sudheer mohan ke bayaan par vikki aur sonoo ke khilaaf case darj kiya hai. Police ke anusaar aaropi donon yuvak abhi police giraft se baahar hain. Sudheer ne bataaya ki usaka bhaai Krishna baravaala se data gehoon khareedne aaya tha. Uske paas gehoon khareed ka bhugataan karne ke liye rakam bhi thi. Is rakam ki bhanak vikki aur sonoo ko lag gayi. Ise lootane ke liye donon ne yojana banaai aur bahaane se bulaakar ve use kheton mein le gaye. Iske baad vyaapaari ki hatya kar di gayi. Shav ko khurdaburd k rane ke iraade se ise kamre mein padi toodi ke dher ke neeche daba diya. Postmortem report ke mutaabik, vyaapaari Krishna ke sir par tej hathiyaar se hamla kiya gaya. Uske donon kandhe aur pasaliyaan bhi tooti hui theen. Donon aaropiyon ko pakadne ke liye police ne gaanv mein unke vibhinn thikaanon par dabish di. DSP ne bataaya ki donon aaropiyon ko jaldi ki giraftaar kar liya jaaega.