Vitteeya Sankat Ke Beech BSNL Ke Vitt Nideshak Badle Gaye

Business »

Vitteeya Sankat Ke Beech BSNL Ke Vitt Nideshak Badle Gaye

Nai Delhi Bhaarat sanchaar nigam limited (BSNL) mein gambhir vitteeya sankat ke beech doorasanchaar vibhaag (deeoti) ne company ne vitt nideshak ko badal diya hai. BSNL ke vitt nideshak ki jimmedaari sujaata re se lekar company ke maujooda nideshak (mobile va fix) vivek banjaal ko saunpi gayi hai. Aadhikaarik sootron ne bataaya ki pehle se do pramukh padon ki jimmedaari sanbhaal rahe banjaal ko vitt nideshak ka bhi prabhaar diya gaya hai. Doorasanchaar vibhaag ne ise 28 February se prabhaavi banaaya hai. Banjaal ab BSNL mein teen pramukh padon ki jimmedaari sambhaalenge. Vah ab company ke fiksd line, mobile aur vitt vibhaag ko dekheinge. Sootron ne bataaya ki sarkaar jimmedaari tay karti hai aur is tarah ka kaarya rooteen ka hissa hai. Re April mein sevaanivrutt hone waali hain. Lekin yeh spasht naheen ho paaya hai ki koi naya vitt nideshak niyukt kiya jaaega ya banjaal ko hi poornakaalik vitt nideshak banaaya jaaega. Banjaal ne March ke pehle hafte mein vitt nidesh ka padabhaar grahan kiya tha. Achaanak ferabadal ke kaaranon ka jikr naheen kiya gaya hai, lekin ise BSNL mein maujooda nakadi sankat ke sandarbh mein dekha ja raha hai. BSNL sabse kharaab vitteeya haalaat se gujar rahi hai aur 19 saal mein pehli baar haal hi mein company apne karmachaariyon ka vetan bhugataan karne mein bhi vifal rahi hai.

Vitteeya Sankat Ke Beech BSNL Ke Vitt Nideshak Badle Gaye https://www.angrejinews.com/pic/261395