Vitt Varsh 2019 Mein Desh Mein Kapaas Fasal Utpaadan Ghatkar 343 Lakh Gaanth Rahane Ka Anumaan City

Business »

Vitt Varsh 2019 Mein Desh Mein Kapaas Fasal Utpaadan Ghatkar 343 Lakh Gaanth Rahane Ka Anumaan City

Nayi Delhi, 15 April (bhaasha) desh mein kapaas fasal utpaadan 2018-19 satr mein 7.87 pratishat ghatkar 343 lakh gaanth (170 kilo pratyek) rah sakta hai. Is giraavat ka mukhya kaaran kapaas ugaane vaale kai kshetron mein sookha padna hai. Somvaar ko city dvaara jaari anumaan mein yeh sambhaavana vyakt ki gayi hai. Bhaarateeya kapda udyog parisangh (city) ke adhyaksh sanjaya jain ne PTI bhaasha ko bataaya ki September 2018 ko samaapt pichhle satr mein kapaas fasal ka utpaadan 370 lakh gaanth tha. Unhonne kaha ki pichhle 12 varshon mein sabse kharaab utpaadan 348 lakh gaanth ka raha hai, jo chaaloo satr ke 343 lakh gaanth ke utpaadan anumaan se kaheen adhik hi hai. Is ghareloo kapda udyog nikaaya ne yeh aankada, October-September 2018 fasal satr ke liye kapaas utpaadak kshetron se ekatrit vaastavik aankadon ke anumaanon par vyakt kiya hai. Kapaas salaahakaar board ne 22 November, 2018 ko kapaas fasal 361 lakh gaanth hone ka anumaan lagaaya tha. Jain ne kaha ki Gujarat ke kai kapaas utpaadak kshetron mein, Maharashtra ke kuchh kshetron aur anya kapaas ugaane vaale raajyon ke kuchh kshetron mein paidaavaar prabhaavit hui hai. City ke adhyaksh ne yeh bhi kaha ki April 2019 ke liye apni report mein antarraashtreeya kapaas salaahakaar samiti ne 2019-20 ke liye vaishvik utpaadan mein 6 pratishat ki vruddhi ke saath 2.76 karod tan aur 2019-20 ke liye ant mein atyadhik bhandaar ka anumaan lagaaya hai. Jain ne kaha ki vaishvik utpaadan mein 6 pratishat ki vruddhi ke saath kapaas ki keematein sthir aur seemit daayare mein rahane ki sambhaavana hai. Bhaarat mein June 2019 se monsoon ke jald aagaman aur aayaat badhne se kapaas keematon par dabaav rah sakta hai.

Vitt Varsh 2019 Mein Desh Mein Kapaas Fasal Utpaadan Ghatkar 343 Lakh Gaanth Rahane Ka Anumaan City https://www.angrejinews.com/pic/268148