Vishv Cup Ke Liye 16 Sadasyeeya Team Chaahata Tha Shaastri

Breaking »

Vishv Cup Ke Liye 16 Sadasyeeya Team Chaahata Tha Shaastri

Dubai Bhaarateeya coach ravi shaastri ne Budhvaar ko kaha ki vah vishv cup ke liye 15 khilaadiyon ki anivaarya soochi ke bajaay 16 sadasyeeya team pasand karte. Unhonne yeh bhi kaha ki jo ismein jagah naheen bana sake, unhein niraash hone ki jaroorat naheen hai. Bhaarat ne 30 May se England mein shuroo hone vaale vishv cup ke liye somvaar ko 15 sadasyeeya team ki ghoshana ki aur chayanakartaaon dvaara yuva wicket-keeper ballebaaj rishabh pant aur anubhavi Ambati raayudoo ko naheen chune jaane se bahas ka silsila shuroo ho gaya. Shaastri ne yahaan 'Sporta360' website se kaha, 'Main chayan ke maamalon mein shaamil naheen hona chaahata. Agar hamaari koi rai hoti hai to, ham ise kaptaan ko bataate hain. ' unhonne kaha, 'Jab aapko 15 khilaadiyon ka hi chayan karna hai to aisa hona laajami hi hai ki kisi na kisi ko baahar karna padega jo kaafi durbhaagyapoorn hai. Main 16 khilaadiyon ko shaamil karna chaahata tha. Humne ICC ko bhi iska jikr kiya tha jab ek toornameint itna lamba ho to 16 khilaadiyon ko rakhana sahi hoga. Lekin aadesh 15 khilaadiyon ka hi tha. ' Shaastri ne kaha ki jo 15 khilaadiyon ki soochi mein jagah naheen bana sake, unhein aage dekhna chaahiye kyonki mauka kabhi bhi mil sakta hai. Unhonne kaha, 'Jo ismein jagah naheen bana sake, unhein niraash hone ki jaroorat naheen hai. Yeh kaafi ajeeb sa khel hai. Ismein chotein lag sakti hain. Isliye aapko naheen pata ki aapko bhi bulaava mil sakta hai. ' Jab vijay shankar ke chauthe sthaan ke liye poochha gaya jabki kaptaan viraat Kohli ne kuchh maheene pehle hi raayudoo ko is sthaan ke liye daud mein sabse aage bataaya tha to shaastri ne kaha ki yeh sthaan hamesha hi lacheelaapan liye hota hai. Unhonne kaha, 'Paristhitiyon aur pratidvandvi ko dekhte hue chauthe number ka sthaan poori tarah se lacheela hai. Main kahoonga ki sheersh teen. . . Ke baad aap bahut hi lacheele ho sakte ho. ' Shaastri ne un aalochanaaon ko bhi khaarij kar diya jinmein kaha ja raha tha ki Bhaarat Kohli par ati nirbhar dikhta hai. Unhonne kaha, 'Agar aap pichhle paanch varshon ko dekho to jis tarah se bhaarateeya team ne pradarshan kiya hai, vah hamesha hi sheersh do ya teen mein rahi hai. Jab team lagaataar paanch varshon tak sheersh do ya teen mein bane rahati hai aur test mein number ek tatha fir tee20 cricket mein sheersh teen mein rahati hai to aap kisi ek khilaadi par nirbhar naheen ho sakte. ' Unhonne kaha, 'Jab aapka record itna nirantar hai to aapke khilaadiyon ke har samay pradarshan karne ki jaroorat hoti hai. Iska shreya team ko jaata hai. ' England mein hone vaale vishv cup ke baare mein baat karte hue shaastri ne England ko prabal daavedaar bataaya. Unhonne kaha, 'England pichhle do varshon se lagaataar pradarshan karne waali team rahi hai. Unke paas bahu aayaami pratibha vaale khilaadi hain. Unke paas geindabaaji aur ballebaaji mein gaharaai hai. Aur ve apne ghareloo maidaan par khel rahe hain. Isliye ve prabal daavedaar ke roop mein shuruaat kareinge. ' unhonne kaha, 'Lekin aisi kai teemein hain jo kisi bhi din kisi bhi team ko haraane ka maadda rakhati hain. Vishv cup jaise tournament mein aapko apne har match mein apne khel mein sheersh par hona hoga. '

Vishv Cup Ke Liye 16 Sadasyeeya Team Chaahata Tha Shaastri https://www.angrejinews.com/pic/268569