Vishesh Raajya Ke Liye Punjab Fit Naheen Congress

India » Friday, April 12, 2013

-pradesh Congress adhyaksh ne aarop lagaaya ki Punjab mein har taraf sarkaar praayojit lootakhasot ka dhandha fal-fool raha hai. Kaanoon vyavastha ki sthiti badatar hai. Bhaasha . Jalandhar Punjab ke seemaant jilon ke liye 'Vishesh darja' ki maang par pradhaanamantri aur vitt mantri se mulaakaat karne ki yojana bana rahe Punjab pradesh Congress pramukh ne guruvaar ko yahaan aarop lagaaya ki yahaan har taraf sarkaar praayojit lootakhasot ka dhandha fal fool raha hai. Kaanoon vyavastha badatar hai. Punjab ke liye vishesh darja ki maang par Bajwa ne kaha ki iske liye samvaidhaanik vyavastha mein sanshodhan ki aavashyakta hoti hai aur yah itni jaldi sambhav naheen hai. Navaashahar jaane ke dauraan Jalandhar mane ruke Punjab pradesh Congress ke adhyaksh prataap Singh Bajwa ne kaha ki Punjab mane kaanoon vyavastha badatar hai. Har taraf loot khasot ho rahi hai. Sattaaroodh party ka har neta chhoti ya badi loot mein aakanth dooba huaa hai. Isliye yahaan paristhiti aisi naheen hai ki pradesh ko vishesh raajya ka darja mil sake, kyonki maujooda maahaul mein udyog dhandhe yahaan sthaapit naheen honge. Bajwa ne kaha ki Punjab ke jo haalaat hain, usamein koi bhi udyogapati yahaan aane ko raaji naheen hai. Yahaan koi udyog neeti naheen hai balki yah kahein ki raajya sarkaar ke paas koi neeti hi naheen hai. Bajwa ne Budhvaar ko raajya ke seemaant jilon ke vikaas ke liye unhein vishesh darja diye jaane ki maang ki thi. Iske baad aaj unase yah poochha gaya tha ki pradesh ke vikaas liye aap ise vishesh raajya ka darja dene ki maang karni chaahiye, kyonki kendra mane aapke party ki sarkaar hai. Unhonne kaha ki sarkaar ki vartamaan neetiyaan raajya se udyog dhandhon ko yahaan se palaayan ke liye majaboor kar rahi hain, kyonki gathabandhan sarkaar ki koi krushi evam udyog neeti naheen hai. Iske alaava yahaan udyogon ke palaayan ke liye poorv pradhaanamantri atal bihaari baajapeyi ki aguvaai waali NDA sarkaar ki neetiyaan bhi jimmedaar hai. Guradaasapur ke is Congress saansad ne kaha ki NDA ki sarkaar ne pahaadi raajyon ko kar mane chhoot ka praavadhaan kiya gaya tha. Iska parinaam yah huaa ki yahaan se udyogapati Himachal aur uttaraakhand ka rukh karne lage aur raajya sarkaar ki neetiyon ne unhein palaayan par majaboor kar diya. Ab sukhabeer kah rahe hain ki kendra sarkaar Punjab ke saath sautela vyavahaar kar rahi hai. Congress neta ne kaha ki main sukhabeer se poochhana chaahata hoon ki jis samay yah faisala kiya gaya tha vah kendra mein udyog raajya mantri the to unhonne iska virodh kyon naheen kiya. Th thahl.