'Vishesh Raajya Ban Kar Bhi Kuchh Naheen Kar Paae Vishesh

Breaking » Tuesday, April 2, 2013

Narendra naath nai Delhi . . Bihar ke vishesh raajya banane ki chaahat aur is chaahat ke raaste nikli siyaasat ke beech kai doosare savaal bhi nikle hain jinka javaab samay rahate khojana hoga. Inmein sabse aham savaal yah bhi nikalkar saamane aaya hai ki kya vishesh ka taig vikaas ki raah aasaan karta hai? Jin raajyon ko yah darja mila, vahaan kitna vikaas ho paaya. Kya kendra ki meharabaani raajya ki soshiyo-ikaunami ki tasveer badal sakti hai? Kya Bihar ka daava doosare samaan raajyon se adhik taarkik hai? Kya sirf vishesh package ki pichhde raajyon ko vikaas ki patari par la sakti hai? Agar isse jude tamaam pahaluon ko dekheinge to paaenge ki ismein kai pech hain. Aur bhi daavedaar pashchim Bengal, Orissa, UP, Chhattisgarh pashchim Bengal ki aarthik haalat -jab mamata Bannerjee ki sarkaar yahaan I to raajya par do lakh karod ka karj tha. -mamata Bannerjee ne naishanal divlepameint kaaunsil ko likhkar kaha hai ki unhein har saal 25 hajaar karod byaaj dena hota hai. -filhaal raajya mein karmachaariyon ko reserve bank se loan lekar vetan diya jaata hai. -reserve bank ke anusaar Bengal ki kul ikaunami ka 36 feesadi karj hai. Karj mein doobe doosare pichhde raajya -Bihar ki kul ikaunami ka 28 feesadi karj hai. -UP ki kul ikaunami ka 37 feesadi karj hai. -Punjab ki ikaunami ka 32 feesadi us par karj hai. -Kerala ki ikaunami ka 27 feesadi karj hai. -Chhattisgarh ki ikaunami ka 40 feesadi karj mein hai. -Orissa ki ikaunami ka 39 feesadi karj mein hai. Special ke faayadekeindr se mili kul sahaayata raashi ka 90 feesadi anudaan mein jaata hai. Doosare raajyon ko mile aarthik anudaan ka mahaj 30 feesadi anudaan mein jaata hai. Special darje vaale 11 raajya 11 raajyon ko mila huaa hai vishesh raajya ka darja. Ye hain nagaalaind, sikkim, tripura, mijoram, uttaraakhand, meghaalaya, Jammu Kashmir, arunaachal pradesh, asam, Himachal pradesh aur manipur. 1969 mein gaadagil faurmyule ke tahat raajyon ko vishesh raajya ka darja diya jaane laga. Iske tahat us raajya ko vikaas, audyogik vikaas mein madad ke liye vishesh darja diya jaata hai, iska aadhaar us raajya ki bhaugolik dasha, pichhdaapan, saamaajik star par samasya, antararaashtreeya seemaaon se sata hone jaisi sthiti ho. Aise raajyon ki haalat -asam apni kul ikaunami ka 22 feesadi karj mein hai. -Himachal pradesh ki kul ikaunami ka 50 feesadi karj hai. -Jammu Kashmir aur manipur donon ka karj ikaunami ka 50 feesadi hai. Yojanaaon ka haal kya huaateen pahaadi raajya Jammu Kashmir, uttaraakhand aur Himachal pradesh mein audyogik vikaas ke liye kai yojanaaen bani theen. Iske tahat niveshakon ko aakarshit karne aur vahaan naukri ke avsar paida karne ke liye tax ki kami aur doosare upaayon ki ghoshana hui. Yojana aayog ne pichhle dinon is package ka asar jaanane ki koshish ki to report behad niraashaajanak rahi. Report ki khaas baat -niveshakon ne tax ka laabh to uthaaya lekin raajya mein naukriyaan naheen paida keen. Raajya ne bhi is disha mein kadam naheen uthaae. -kai niveshak sthaaneeya prashaasan ke sust ravaiye se dukhi hokar apna kaam sametate rahe. -bijli, sadak, kaanoon vyavastha jaise infraastrakchar ki kami ka pratikool asar pada. -in raajyon ki GDP ko 1 feesadi bhi badhaane mein vifal raha package. -sirf uttaraakhand mein apekshaakrut behtar nateeje mile. Kuchh faayda bhi huaa -jin 11 raajyon ko vishesh raajya ka darja mila unamein se 6 raajyon mein par kaipita inakam raashtreeya ausat 35993 se adhik ho gayi. -11 mein se 9 raajyon mein gareebi rekha se neeche rahane vaalon ki sankhya mein kaafi giraavat hui aur raashtreeya ausat 28 feesadi se bhi kam hui. -logon ki rahane ki dasha mein bhi in raajyon mein sudhaar huaa. Aur bhi hain raastehaalaanki baad ke saalon mein kathin maanak ke kaaran kisi doosare raajya ko vishesh ka taig naheen mila lekin pichhde ilaakon ke vikaas ke liye samaanaantar yojana bani. UPA 1 ki sarkaar mein ek yojana shuruaat ki gayi jiske tahat poore desh mein 278 pichhde jile chihnit kiye gaye aur unhein keindreeya anudaan diya gaya. Ismein Bihar ke 38 jile the. Aage ki raahaagar kendra sarkaar beech ka raasta nikaalkar Bihar ko pichhda raajya ghoshit karti hai to - -pichhde raajyon ke maanak badle jaaenge aur usamein Bihar, Bengal jaise raajya ismein shaamil ho jaaenge. -inhein tukadon mein alag-alag package diye jaaenge. -maujooda 90 feesadi aarthik anudaan ko kam kar 60 feesadi kiya ja sakta hai. -sarkaari nivesh ko in raajya mein praathamikta ke aadhaar par kiya jaaega. Raajyon ki bhi jimmedaari -raajyon ko apne yahaan infraastrakchar ke vikaas par jor lagaana hoga. Tabhi package ka koi faayda mil sakta hai. Bihar mein prati vyakti bijli ki khapat 100 kilo megaavaut hai jo raashtreeya ausat se kam hai. -audyogik nivesh ke liye raajaneetik netrutv ko positive rukh dikhaana hoga. Pashchim Bengal iska sabse bada shikaar huaa hai. -paupulist kadamon ke saath kvauliti ko bhi praathamikta mein laana hoga.