Viraat Kohli Ke 'Daidi Handred Naheen Banaane Se Niraash Hain Coach
Cricket » Sunday, February 24, 2013
Nai Delhi: Viraat Kohli ke fir shatak ko bade shatak mein naheen badal paane se niraash is yuva ballebaaj ke coach Rajkumar sharma ne ummeed jataai ki Australia ke khilaaf vartamaan shrunkhala mein unka yah priya shishya 'Daidi handred' banaane mein safal rahega. Kohli ne Australia ke khilaaf chennai mein 107 run ki paari kheli, lekin yah chautha avsar hai, jabki vah shatak jamaane ke baad jyaada der tak crease par naheen tik paae. Kohli ne shatak poora karne ke baad of spinner Nathan Leon ki geind hava mein khelkar mid on par catch thama diya tha. Isse pehle ke teen avsaron par unhonne 116, 103 aur 103 run banaae the. Coach Rajkumar sharma ne kaha, main uske out hone ke tareeke se khush naheen hoon. Humne shuroo mein hi Leon par haavi hone ki rananeeti apnaai thi, kyonki vah Australia ke aakraman ki kamjor kadi hai, lekin uske shot ka chayan sahi naheen tha. England ke ballebaaji coach Graham gooch ne ek baar apne cricketeron ko 'Daidi handred' yaani bada shatak banaane ke liye kaha tha aur Rajkumar sharma bhi Kohli ko yahi paath padha rahe hain. Unhonne kaha, vah lambi paari khelne ka shaukeen hai aur vah bhi chaahata hai ki vah bada shatak lagaae. Main ab usase is baare mein baat karoonga. Mujhe khushi hai ki vah shrunkhala ke pehle match mein shatak lagaane mein safal raha. Isse usaka aatmavishvaas badhega. Mujhe poora vishvaas hai ki agale maichon mein aapko uske balle se 'Daidi handred' dekhne ko milega. Kohli England aur Pakistan ke khilaaf ek-divseeya maichon mein apekshit pradarshan naheen kar paae the aur isliye Australiaee shrunkhala ke liye unhonne vishesh taiyaari ki thi. Sharma ne kaha, Kohli ne apni ekedami (vest Delhi cricket ekedami) mein lagaataar taiyaari ki thi. Ekedami keval teen din hi khuli rahati hai, lekin mainne Kohli ke liye baaki teen din bhi geindabaaj bulavaae aur usaki ballebaaji par baareeki se najar rakhi. Vah kaafi mehnat karke is shrunkhala mein utara tha. Unhonne kaha, vah kal ardhashatak poora karne ke baad hi shatak jamaane ke prati aashvast tha. Meri usase baat hui thi. Mainne usase kaha tha ki Australiaee nai rananeeti ke saath utareinge aur uske liye jaal bichhaaenge aur theek vaisa hi huaa. Sharma ne kaha, mainne usase kah diya ki forward short leg aur short mid-wicket par kshetrarakshak lagaaya jaaega. Ham unki is yojana ke liye pehle se hi taiyaar the. Imaandaari se kahoon to, jo main soch raha tha vaisa hi huaa. Yadi vah galat shot naheen khelta, to badi paari khel sakta tha.