Viraat Ki 'Viraat Paari Se Jeete Royal Challengers Bengaluru

Cricket »

Viraat Ki 'Viraat Paari Se Jeete Royal Challengers Bengaluru

Bengaluru. . Kaptaan viraat Kohli ki 47 baulon par 93 run ki aatishi paari ki badaulat royal Challengers Bengaluru ne sunrisers Hyderabad ko 7 wicket se hara diya. Viraat ke alaava A. Bi. DeVilliers ne bhi achhe khel ka pradarshan kiya. Haalaanki, royal Challengers Bengaluru ki run machine yaani kris Gale aaj ke match mein kuchh khaas kamaal naheen dikha sake, lekin viraat ki viraat paari ne royal Challengers ko doobne se bacha liya. Skorakaard: Royal Challengers Bengaluru Vs sunrisers Hyderabad 161 run ke lakshya ka peechha karne utari Bengaluru ki team ne tej shuruaat ki. Mayank Agrawal aur Gale ne pehle wicket ke liye 5.1 over mein 39 run jode. Isi score par mayank 29 run banaakar parera ka shikaar bane. 47 run ke score par Bengaluru ko Gale ke roop mein bada jhatka laga. Gale 13 run banaakar ishaant sharma ka shikaar bane, lekin iske baad viraat Kohli ne yaadagaar paari khelte hue Bengaluru ko jeet ke manjil tak pahuncha diya. Viraat ne apni 47 geindon ki paari mein 11 chauke aur 4 chhakke lagaae. Pichhle match mein super over ke naayak Cameron vaait aur shreelankaai all-rounder tisaara parera ke aakhiri 6 overon mein kiye gaye dhoomadhadaake se sunrisers Hyderabad ne IPL 6 mein aaj yahaan royal Challengers Bengaluru ke khilaaf 6 wicket par 161 run banaae. Vaait ne 34 geindon par teen chaukon aur itne hi chhakkon ki madad se 52 run banaae, jabki parera ne 24 geind par 40 run ki toofaani paari kheli jismein 4 khoobsoorat chhakke shaamil hain. In donon ne chauthe wicket ke liye sirf 44 geindon par 80 run ki saajhedaari ki. Sunrisers ne aakhiri 6 over mein 77 run batore. Sunrisers ke toss jeetkar pehle ballebaaji karne ke faisale ko uske sheersh kram ke ballebaaj sahi saabit naheen kar paae. Akshat Reddy (11 geind par 12 run), paarthiv Patel (19 geind par 20 run) aur kaptaan Kumar sangakaara (24 geind par 23 run) royal Challengers ke tej aur spin mishrit aakraman ke saamane run banaane ke liye joohjte najar aae. Royal Challengers ki taraf se aar. Pi. Singh ne 27 run dekar 3 wicket liye. Akshat ne jaroorat se jyaada aakraamak ravaiya apnaakar aar. Pi. Singh ko wicket inaam mein diya. Paarthiv aur sangakaara par run gati ko teji dene ka dabaav tha. Paarthiv aise mein muthaiya muraleedharan ke doosra ko aage badhkar drive karne ke prayaas mein bold hue jabki sangakaara sahi timing se shot naheen laga paae aur murali kaartik ki geind ko hava mein laharaakar kavar par aasaan catch day baithe. Parera ne kushal all-rounder hone ki apni kaabiliyt fir se saabit ki jabki vaait ne pichhle match mein suparaovar waali apni firm dikhaayi. Raayal Challengers ke star spinner muraleedharan ka kota 14vein over tak samaapt ho gaya tha jiske baad parera aur vaait ne adhik khulkar ballebaaji ki. In donon ne moejes Henricks ke over mein 18 run batorane ke baad vinaya Kumar ke agale over mein 19 run banaae. Parera ne aar. Pi. Singh ke agale over mein middle stump ki geind ko scoop karne ke prayaas mein apna wicket ganvaaya, lekin tab tak vah team ko sankat se baahar nikaal chuke the. Vaait ne vinaya Kumar ki geind par kavar ke oopar se chhakka jadkar 32 geindon par apna ardhashatak poora kiya, lekin geindabaaj ne isi over mein badla chukta kar diya. Is baar vaait ka apne shot par niyantran naheen tha aur vah catch mein tabdeel ho gaya.

Viraat Ki 'Viraat Paari Se Jeete Royal Challengers Bengaluru https://www.angrejinews.com/pic/4986