Vipakshi Party Ne Muslim Matadaataaon Ko Gumaraah Kiya Maayaavati

Breaking »

Vipakshi Party Ne Muslim Matadaataaon Ko Gumaraah Kiya  Maayaavati

Lucknow: Loksabha chunaav ke parinaam aane ke baad raajaneeti ke haashiye par pahunch chuki bahujan samaaj party (basapa) pramukh maayaavati ne kaha ki chunaav mein vipakshi dal musalmaanon ko gumaraah karne mein kaamayaab rahe. Maayaavati ne haalaanki, yeh bhi kaha ki pichhle aam chunaav ki tulana mein basapa ke maton mein vruddhi hi hui hai. rajdhani Lucknow mein mall evenyoo sthit party kaaryaalaya par patrakaaron ko sambodhit karte hue maayaavati ne yeh baatein kahi. Maayaavati uttar pradesh mein ek bhi seat na jeet paane ko lekar safaai deti bhi najar aain. maayaavati ne kaha, vipakshi dal musalmaanon ko gumaraah karne mein kaamayaab rahe. Musalmaanon ka vote bantane ki vajah se hi bhaajapa ko jyaada faayda hua. Poore chunaav mein ham lagaataar is baat par jor dete rahe ki musalmaanon ko gumaraah karne ke liye tarah tarah ke hathakande apanaae jaaenge. unhonne kaha ki party ki yeh soch sahi saabit hui, bhaajapa ke uttar pradesh prabhaari amit shaah ne raajya mein chunaav ko saampradaayik rang dene ki poori koshish ki aur vah apne mansoobon mein kaamayaab bhi rahe. maayaavati ne kaha, daliton aur musalmaanon ko main baraabar yeh samajhaati rahi ki vipakshi dalon ke hathakandon aur saajishon se saavdhaan rahein, lekin unhonne meri baat par gaur naheen kiya. unhonne kaha ki dalit abhi bhi hamaari party se jude hue hain, lekin musalmaanon ko kuchh dinon baad apne faisale ka pachhataava hoga. Maayaavati ne kaha, ve hamesha galat kadam uthaate hain aur pachhataate hain. Is baar bhi jab samay beetega to unhein pachhataane ke sivaaya kuchh haasil naheen hoga. basapa pramukh ne Congress adhyaksh soniya Gandhi va upaadhyaksh Rahul Gandhi ki jeet par kaha, amethi aur raayabareli mein Rahul aur soniya ki jeet ki vajah yeh thi ki vahaan sapa ne apne ummeedavaar naheen khade kiye the aur yahi haal un seaton par bhi tha jahaan Yadav parivaar jeeta hai.

Vipakshi Party Ne Muslim Matadaataaon Ko Gumaraah Kiya Maayaavati https://www.angrejinews.com/pic/50812