Vimen Bank Se Party Ka Kamitmeint Poora Naheen Hoga Jayaraam

Business » Friday, March 29, 2013

urmi A Goswami nai Delhi finance ministar pi Chidambaram ke sarkaari vimen bank kholne ke elaan ki pehle to vaahavaahi hui thi, lekin ab Congress mein is baat ko lekar chinta badh rahi hai ki graameen ilaakon mein rahane waali mahilaaon ko jyaada loan dekar sashakteekaran ka party ka vaada poora karne ke liye yah kaafi naheen hoga. Congress ke senior leedars aur sarkaar ke ek varg ka maanana hai ki iske liye naabaard ya sidbi ki tarah alag sanstha jyaada asaradaar saabit ho sakti hai. Chidambaram ko likhe letar mein rooral development ministar jayaraam ramesh ne sidbi ki tarah sansad se kaanoon paas karke 'Speshalaaijd devalapameintal financial insteetyooshan' banaane ka prastaav rakha hai. Ramesh ki ministri ke paas national rooral laaivaleehud mission ya aajeevika ki kamaan hai. Vah financial inakloojan aur mahilaaon ki haalat sudhaarane ke liye bankon aur vimen self help group (esaechaji) ke beech kareebi rishte par jor day rahi hai. Ramesh ne kaha hai ki mahilaaon ke sarkaari bank se yah maksad poora naheen hoga. Rooral development ministar ka maanana hai ki poore bank branch network ka istemaal desh bhar mein jyaada mahilaaon tak pahunchane ke liye kiya jaana chaahiye. Desh mein kul 80,000 bank branch hain. Inmein 23,776 rooral aur 22,568 semi-urban area mein hain. Unhonne kaha hai ki naya bank apni branch se aisa karne ki koshish karega, jisse maujooda network ka faayda naheen uthaaya ja sakega. Apni daleel ke samarthan mein ramesh ne bank-esaechaji ke rishte mein kshetravaar asantulan ka jikr kiya hai. Self help group ko jo paisa mila hai, usamein dakshin Bhaarat ke Andhra pradesh, Tamil Nadu, Kerala aur Karnataka ki hissedaari 80 feesadi se jyaada hai. Agale paanch saal mein kareeb 60 lakh group (7 karod parivaar) ke national rooral laaivaleehud mission se judne ki ummeed hai. Unhein 40,000 karod rupae ki jaroorat padegi. Iske ek saal baad iske 1,00,000 karod rupae pahunchane ka anumaan hai. Ramesh ka kehna hai ki iske liye bankon aur esaechaji ke beech behtar linkej jaroori hai. Congress bhi vimen self help group ki madad ke liye insteetyooshanal maikenijm ke hak mein hai. 2009 ke chunaavi ghoshanaapatr mein Congress ne vaada kiya tha, 'Graameen ilaakon mein rahane waali kam se kam aadhi mahilaaon ko self help group ka meinbar banaaya jaaega aur inhein bankon se kam dar par loan milega. ' Congress ke Jaipur adhiveshan mein is par charcha hui. Ismein kaha gaya ki mahilaaon aur khaas taur par self help group ko financial services dene ke liye national bank banaane ka vakt aa gaya hai. Is baare mein indira Gandhi ke pradhaanamantri rahane ke dauraan bane naabaard ki misaal di gayi thi. Naabaard ko egreekalchar growth tej karne aur rooral development ke maksad se banaaya gaya tha. Haalaanki, ramesh ne naabaard ke bajaay sidbi model ko jyaada sahi bataaya hai.