Vilen Banana Chaahate Hain Ranbeer

Movies »

Vilen Banana Chaahate Hain Ranbeer

Jyaada din pehle ki baat naheen hai, jab industry ke top hero vilen ka rol karne se kataraate the, lekin aajkal baulivud ke hero khud ko kisi imej mein naheen baandhana chaahate. Eksaperimeint ke naam par unhein aise kirdaar nibhaane se bhi gurej naheen hai, jinse kabhi hero kanni kaata karte the. Ab Ranbeer Kapoor ko hi le leejiye. Khabar hai ki 'Saanvariya' se apna filmi career shuroo karne vaale Ranbeer darshakon aur industry mein banti ja rahi apni chaukaleti imej ko lekar kuchh jyaada hi pareshaan hai. Gaurtalab hai ki in dinon vah apni aane waali film 'Ye javaani hai deevaani' ke promotion mein biji hain. Is romantic love story mein ek baar fir chaukaleti lavar bauya ka kirdaar nibha rahe Ranbeer ab is imej se baahar niklana chaahate hai. Ek mall mein is film ko promote karne pahunche Ranbeer se jab ek patrakaar ne poochha ki aage aap kis type ki filmein karna chaahate hain, to Ranbeer ka javaab tha ki ab parde par hero ke haathon pitna chaahata hoon. Ranbeer ke is ajeebogareeb javaab ko koi samajh paata, usase pehle hi vah bol pade ki parde par khoonkhaar vilen ka rol karna chaahata hoon, jo film ke end mein hero ke haathon maar khaae. Ranbeer ke kareebi sootron ki maanein, to vah naheen chaahate ki unka filmi career chaukaleti hero ki imej mein usi tarah se bandha rah jaae, jis tarah 'Baubi' ki release ke baad unke paapa rishi Kapoor ka career chaukaleti imej mein kaid ho gaya tha. Vaise, lambe intajaar ke baad ab jab rishi Kapoor ko manachaahe kirdaar karne ka mauka mila, to unhonne karan jauhar ki 'Agnipath' aur yash raaj ki 'Aurangajeb' mein behatareen negetiv kirdaar nibhaae. Shaayad yahi vajah hai ki Ranbeer negetiv rols mein aane ke liye paapa jitna lamba intajaar naheen karna chaahate, isliye unhonne abhi se khud ko vilen ke rols ke liye open kar diya hai.

Vilen Banana Chaahate Hain Ranbeer https://www.angrejinews.com/pic/9126