Vikileeks Ke 'Khulaase Mein Kuchh Bhi Naheen Hai Naya

World »

Vikileeks Ke 'Khulaase Mein Kuchh Bhi Naheen Hai Naya

Washington. . Kai baar saneesaneekhej khulaase kar chuke vikileeks ka is baar nae ameriki kebals leek karne ka daava khokhala hai. Daraasal vikileeks jise nae kebals bata raha hai, vah ameriki sarkaar par bahut pahase se maujood hai. Usane bas ise 'Chamakaakar' dobaara se jaari kiya hai. Is samay 'Kisinjar kebal' ke naam se charchit 1973 se 1976 ke beech ke saalon ki in 17 lakh ameriki raajanayik kebals ko ameriki videsh vibhaag ne 2006 mein hi saarvajanik kar diya tha aur uske baad se hi ye upalabdh hain. Ye raashtreeya abhilekhaagaar aur rekaurd prashaasan (enaeaarae ) ki par website hain. Enaeaarae ek svatantr ameriki agency hai, jise sarkaari aur aitihaasik dastaavejon ke sanrakshan tatha dastaavejeekaran ki jimmedaari saunpi gayi hai. Udaaharan ke taur par sarvaadhik charchit kebal 1975 nyoodee1403 bi ko chhah July 2006 ko hi saarvajanik kar diya gaya tha. Yah Bhaarat ki poorv pradhaanamantri Rajiv Gandhi ke baare mein hai. Yah jaankaari saalon se enaeaarae ki website par padi hui thi. Raashtreeya suraksha abhilekhaagaar ke varishth vishleshak William bur ne bataaya, 'Yah daraasal dastaavejon ki nai paiking hai aur inhein achhe khoj yogya faurmait mein tabdeel kiya gaya hai. ' haalaanki unhonne saath hi kaha ki vikileeks ne achha kaam kiya hai. Bur ne iske saath hi bataaya, 'Vikileeks ke press not mein is baat par bhi jor diya gaya hai ki kisinjar ne inmein se adhiktar teligraam ko khud likha tha lekin yah kaafi badha chadhaakar kaha gaya hai. Videsh mantri aise hajaaron laakhon kebals ko dekhte tak naheen hain, jo unke naam se jaari hote hain. ' George Washington university ke ek hisse ke roop mein kaaryarat di naishanal sikyooriti archive ne 21 April 2006 ko jaari ek press not mein kaha tha ki enaeaarae ne kareeb teen lakh 20 hajaar gopaneeya kebals ko online daala tha. Us samay videsh vibhaag ke 1973 se 1974 ke aankadon ko ismein shaamil kiya gaya tha.

Vikileeks Ke 'Khulaase Mein Kuchh Bhi Naheen Hai Naya https://www.angrejinews.com/pic/4966