Vigyaan Express Fir Pakadegi Raftaar

India »

Vigyaan Express Fir Pakadegi Raftaar

vis . Nai Delhi : 'Vigyaan express' ek baar fir apne safar par nikalne waali hai. Is train ka maksad logon ko vigyaan aur paryaavaran ke saath-saath jaiv vividhta ke baare mein jaagruk karna hai. Nau April ko train ko Safdarjung railway station se ravaana kiya jaaega. Yah is train ka chhatha charan hoga. Railway board ke ek senior adhikaari ke mutaabik, is baar 'Vigyaan express' dedh darjan raajyon ke 60 se jyaada railway stationon par rukegi. Kareeb 6 maheene baad usaka safar Gandhinagar (Gujarat) mein khatm hoga. Train mein 16 dibbe honge. In dibbon mein ek pradarshani lagaai gayi hai. Pradarshani ke jariye aam logon ko desh mein khatm ho rahe jeev-jantuon aur ped-paudhon ke saath-saath jalavaayu parivartan ke baare mein bataaya jaaega. Pichhli baar yah train 5 June 2012 se lekar 22 December 2012 tak desh ke vibhinn raajyon mein ghoomi thi.

Vigyaan Express Fir Pakadegi Raftaar https://www.angrejinews.com/pic/4815