Vidhaanasabha Chunaav Rujhaanon Mein Tripura Mein Left Ki Aasaan Jeet Ke Aasaar

Breaking »

Vidhaanasabha Chunaav  Rujhaanon Mein Tripura Mein Left Ki Aasaan Jeet Ke Aasaar

Nai Delhi: Poorvottar ke teen raajyon tripura, meghaalaya aur nagaalaind mein hue vidhaanasabha chunaavon ki mataganana ke rujhaanon ke mutaabik jahaan tripura mein left ko fir se satta milti dikh rahi hai, vaheen meghaalaya mein Congress, jabki nagaalaind mein enapeeef ko badhat haasil hone ja rahi hai. Tripura mein gat 14 February ko jahaan desh mein sarvaadhik record 93 pratishat matadaan huaa tha, vaheen meghaalaya evam nagaalaind mein 23 February ko kramash: 88 pratishat aur 83 pratishat matadaan huaa tha. Iske alaava, mijoram mein chaalafilh, Punjab mein moga aur uttar pradesh ki bhaatapaar raani seat tatha pashchim Bengal ki nalahati, english baajaar aur rejeenagar seaton par upachunaav bhi 23 February ko hi hue the. Asam ke alagaapur, Bihar ke kalyaanapur (surakshit) aur Maharashtra ki chaandagadh seat ke liye upachunaav 24 February ko hue the. Sabhi jagah electronic voting masheenon ke jariye matadaan huaa. In raajyon mein mataganana ke vyaapak prabandh kiye gaye hain. Tripura vidhaanasabha ki 60 seaton par 14 February ko hue chunaav ke liye maton ki ganana subah aath baje kadi suraksha ke beech shuroo hui. Mataganana ka kaam raajya ke aath jilon mein satrah mataganana keindron par kiya ja raha hai. In sabhi ganana keindron ke liye tristareeya suraksha ki vyavastha ki gayi hai. Ganana ke kaam mein prekshak aur ganana sahaayakon samet kareeb 2500 karmachaari lagaae gaye hain. Har mataganana kendra se sau meter ki doori tak nishedhaagya laagoo hai. Mataganana ka kaam CCTV nigraani mein karaaya ja raha hai. 60-sadasyeeya nagaalaind vidhaanasabha ki 59 seaton par kadi suraksha vyavastha ke beech mataganana shuroo hui. Yahaan ek seat par ummeedavaar ki mrutyu ke baad chunaav rok diya gaya tha. Nagaalaind ke mukhya chunaav adhikaari J aalam ne bataaya ki 12 jilon mein mataganana ho rahi hai. Mataganana ke liye kul 10 hajaar matadaanakarmiyon ko lagaaya gaya hai. Meghaalaya vidhaanasabha ka kaaryakaal 10 March ko samaapt ho raha hai, jabki nagaalaind vidhaanasabha ka kaaryakaal 18 March aur tripura vidhaanasabha ka kaaryakaal 16 March ko samaapt hoga. In teenon raajyon hi mein vidhaanasabha ki 60-60 seatein hain. Tripura mein sattaaroodh vaam morcha ke sabse bade ghatak maakapa ne 55 seaton par, aaraesapi ne do, bhaakapa ne do aur forward blauk ne ek seat par pratyaashi khade kiye the. Vipakshi Congress 48 seaton par chunaav lad rahi hai. Uske gathabandhan sahayogi aaienapeeti ne 11 seaton par aur national kaunfrens of tripura ne ek seat par pratyaashi utaare hain. Meghaalaya mein ugravaadiyon dvaara saat jilon mein band ke aahvaan ke baavajood 15 lakh se adhik matadaataaon ke 88 pratishat ne matadaan kiya tha. Sattaaroodh Congress party ne sabhi 60 seaton par apne pratyaashi khade kiye, jabki yoodeepi ne 50 seaton aur peee sangama ke netrutv waali national people'S party ne 32 seaton par apne ummeedavaar khade kiye the.

Vidhaanasabha Chunaav Rujhaanon Mein Tripura Mein Left Ki Aasaan Jeet Ke Aasaar https://www.angrejinews.com/pic/3030