Videshi Niveshakon Ke Liye Saaf, Paaradarshi Niyam Hon Swaraj Paul

Business »

Videshi Niveshakon Ke Liye Saaf, Paaradarshi Niyam Hon Swaraj Paul

Nai Delhi. . Videshi niveshakon ke liye niyamon ko saaf banaane ki vakaalat karte hue pravaasi bhaarateeya udyogapati Lord Swaraj paul ne kaha ki Bhaarat ko har kshetr mein videshi bhaageedaari ki sveekrut seema ko keval saaf bhar kar dena chaahiye aur companiyon ko unke anusaar nivesh ki chhoot deni chaahiye. Ismein manjoori prakriya ki jaroorat naheen rakhi jaani chaahiye. Maujooda aarthik sthiti ko 'Raaste ka sudhaar' aur ek asthaai daur karaar dete hue unhonne kaha ki Bhaarat ki tej growth rate ki sambhaavnaaen majaboot bani hui hain. Unhonne kaha ki jaroorat hai ki desh ke behad pratispardhi maanav sansaadhan ki oorja ko sahi disha di jaae. Paul ne kaha, 'Mera maanana hai ki sarkaar ko aise niyam banaane chaahiye, jismein yah saaf kaha gaya ho ki is industry mein is tarah ke nivesh ki anumati hai, is industry mein iski anumati naheen hai. Fir kisi ko manjoori ke liye aavedan karne ki jaroorat na ho. ' niveshakon ke vyaktigat prastaavon ko manjoori ki aupachaarikta ke chakkar se free rakhe jaane par jor dete hue Swaraj paul ne kaha, 'Yadi ve (prastaav) kaanoon ke daayare mein hain, to unka svaagat ho aur yadi ve kuchh galat kar rahe hon, to unhein dand diya jaaega. Yah ek khuli neeti honi chaahiye. Kaarravaai ki jaae, par bhedabhaav na ho. Kaarravaai kaanoon ke daayare mein ho. Par kaanoon aise banaae jaane chaahiye jo poori tarah se paaradarshi aur khule hon. ' Britain ke 10,000 karod rupae ke kapaaro group ke pramukh paul ne kaha, 'Niveshakon se kaha jaae ki agar aap kaanoon ka paalan karte hain, to hamein koi chinta naheen hai. Lekin agar aap niyam se naheen chaleinge, to ham aap ko sooli par taang deinge. Isse videshi companiyon ko nivesh se jude faisale maujooda kaanoon ke tahat karne mein madad milegi. ' unhonne kaha, 'Jahaan tak nivesh ka savaal hai to Bhaarat ki sambhaavnaaon ka prachaar karna sarkaar ka kaam hai, lekin niveshak sirf isse hi naheen aate. Niveshak tabhi aate hain, jabki company ko sambhaavana dikhti hai aur ve unheen deshon mein jaana chaahate hain, jahaan ve surakshit mahasoos karte hain aur growth ki sambhaavana dikhti hai. ' kapaaro group ke adhyaksh ne kaha, 'Bhaarat aur cheen do aise desh hain, jo vishv arthavyavastha ka netrutv kareinge. Cheen sarkaar ke paas apne kaam par jyaada achha control hai, lekin hamaare paas sarkaar aur vipaksh donon mein bahut achhe log hain. ' paul ne kaha ki Bhaarat duniya ke behatareen lokataantrik deshon mein shaamil hai aur desh ke raajaneetik neta kisi desh se kam naheen hai. Unhonne kaha, 'Duniya mein kisi ko bhi hamaare desh ki janta ki kshamata ko kam karke naheen aankana chaahiye. Hamaare paas sarkaar mein Manmohan Singh aur pi Chidambaram jaise neta hain. BJP aur baaki vipakshi dalon mein bhi achhe logon ki kami naheen hai. Unamein arun jetali, Sushma Swaraj aur Narendra Modi jaise log hain. Hamaare paas neeteesh Kumar hain aur ye sab ke sab duniya ke kisi bhi desh ke yogya se yogya neta ke baraabar yogyata rakhate hain. ' unhonne kaha, 'Saare ho-halle ke baavajood Bhaarat ki sansad mein hone waali bahas ka star bhi kisi bhi desh ki achhi bahas ke takkar ka hai. Is par hamein fakhr hai. Main bhaarateeya lokatantr ko duniya ki sheersh lokatantrik vyavasthaaon mein ginta hoon, ismein koi do rai naheen hai. ' unhonne kaha, 'Haalaanki hamein yah sunishchit karna hoga ki ham sab poore desh ke baare mein samagrata se sochana shuroo karein, na ki apne baare mein. Mera maanana hai ki der-saver is jaise kisi chhote sankat mein ham isi tarah lageinge. Samasya sirf kuchh logon se naheen sulajhegi. Poore desh ko is kaam mein lagaana hoga. Jaroorat hai gareebi, bhrashtaachaar, mahilaaon ki suraksha aur shiksha se judi chunautiyon se nipatne ki. Jahaan tak bhrashtaachaar ki baat hai, to sirf rishvat lene vaale hi naheen balki dene vaale bhi badi samasya hain.

Videshi Niveshakon Ke Liye Saaf, Paaradarshi Niyam Hon Swaraj Paul https://www.angrejinews.com/pic/4858