Vest UP Yahaan Har Seat Ki Hai Apni Ek Khaas 'History

Breaking »

Vest UP Yahaan Har Seat Ki Hai Apni Ek Khaas 'History

Shaadaab rijvi, Lucknow/ Meerut Vest UP ki Loksabha seaton ki apni khaas history rahi hai. Har seat ka koi rochak kissa hai. Koi seat diggajon ke naam judne se VIP rutaba haasil kar gayi to kaheen har baar naya saansad chuna jaata hai. Aam chunaav se jude aise rochak kisson par report : Har dal ko diya MP Bijnaur seat ne kabhi kisi bade dal ko maayoos naheen kiya. Aajaadi ke baad se ab tak is seat se sabhi pramukh siyaasi dalon ke candidate kabhi na kabhi jeete. Congress neta meera Kumar, BSP supreemo maayaavati, LJP neta raamavilaas paasavaan, poorv SP neta jayaaprada, ye sabhi is seat se jeet chuke hain. Vaheen maujooda saansad BJP ke hain. Har baar naya chehara chuna Kairaana seat se har baar naya vyakti saansad banta raha hai. Kairaana seat astitv mein aane ke baad 1962 mein yashapaal Singh bataur nirdaleeya jeete the. Iske baad se har baar chunaav mein naya saansad chuna gaya. 2014 mein bhi BJP ke hukum Singh jeete magar 2018 mein jab unki maut ke baad upachunaav hua to aaraeladi ki tabassum hasan yahaan se saansad bani. Is baar fir gathabandhan ki pratyaashi tabassum hongi, aise mein dekhna hoga ki itihaas khud ko doharaata hai ya naheen. Gair BJP jaat naheen jeeta Mujaffaranagar mein BJP se baahar ka koi jaat candidate kabhi jeet naheen paaya. Is baar gathabandhan se ajit Singh yeh mithk tod paaenge ya naheen, yeh dekhna hoga. Vaise 1971 mein poorv PM aur bade jaat neta chaudhari charan Singh tak gair BJP candidate hone ke kaaran paraajit ho gaye the. 1977 mein jaat neta varun Singh bhi Congress se ladkar chunaav haare the. Vaheen BJP ke jaat neta chaar baar yahaan se jeete. 2014 mein bhi BJP ke sanjeev baaliyaan yahaan se jeete. BJP ki sabse jyaada baar haar Desh ko chaudhari charan Singh ke roop mein PM dene waali baagapat seat se BJP aajaadi ke baad se jyaadaatar haari hi hai. Use sirf do baar jeet mil saki. 1952 se 2009 ke beech gair BJP saansad jeete. Sirf 1998 mein somapaal shaastri aur 2014 mein satyapaal Singh kamal khila sake. Donon hi baar BJP ne ajit Singh ko haraaya tha. Teen-teen CM diye Bulandashahar ko UP mein laki seat bataaya jaata hai. Is seat se saansad rahe babu banaaraseedaas aur kalyaan Singh UP ke CM rahe. Is seat se taalluk rakhane vaale raamaprakaash gupt bhi UP ke CM rahe. 17 din mein jeet ka record 1984 ke baad Congress Meerut se kabhi jeet naheen pai magar 1999 mein Congress ke ticket par Faridabad ke saansad rahe avataar Singh bhadaana ko party ne chunaav ke bilkul aakhiri daur mein bheja. Unka yahaan aisa jaadoo chala ki mahaj 17 din mein vah BJP se seat chheen le gaye. Isi tarah sahaaranapur seat se bhi Congress ne Imran masood ko pratyaashi ghoshit kiya hai magar Congress ka shakhs yahaan 1984 ke baad se ek baar bhi saansad naheen ban paaya.

Vest UP Yahaan Har Seat Ki Hai Apni Ek Khaas 'History https://www.angrejinews.com/pic/261505