Vest Bengal Deedi Number 1, Congress-vaamadalon Ke Liye Astitv Ka Sangharsh

Breaking »

Vest Bengal Deedi Number 1, Congress-vaamadalon Ke Liye Astitv Ka Sangharsh

Gautam hore, Kolkata Raajaneeti bangaaliyon ki saanson mein basati hai. Aap chaahe Kolkata ki galiyon mein chale jaaen, club, baajaar ya gaanvon mein, tamaam charchaaen raajaneeti ke aaspaas hi ghoomti najar aaengi. Vibhinn raajaneetik dalon ki chunaavi rananeetiyon par charcha karte hue har bangaali aapko raajaneeti ka eksapart najar aaega. Bengal ki raajaneeti ki doosari khaas baat yeh hai ki yahaan jaati maitar naheen karti. Uttar Bhaarat mein khaas taur par UP, Bihar, Rajasthan, madhya pradesh mein jaateeya sameekaran ke baare mein kamobesh har koi jaanta hai. Agar aap vahaan logon se baat kareinge, to jaateeya ganit ke aadhaar par sameekaran aur jeetne vaale ummeedavaar ke baare mein turant bata deinge, lekin agar jaati ke baare mein baat kareinge, to unka seedha javaab hoga 'Mujhe naheen pata'. Yahaan candidate jaati ke aadhaar par naheen chuna jaata. Trikoneeya mukaabala Bengal mein mukhya taur par trikoneeya mukaabala dikh raha hai. Ek taraf Trinamool Congress hai. Doosari taraf BJP aur teesari taraf Congress-left dalon ka alaayans hai. Lambi charcha ke baad aur raajaneetik paristhiti ko dekhte hue CPM aur Congress kareeb aae aur unke beech alaayans hua. Bengal mein apne astitv ko bachaane ke liye donon ko saath aana pada. CPM ne 34 varshon tak Bengal par raaj kiya, lekin agar vah gathabandhan naheen karti, to unke liye ek Loksabha seat bhi jeetna mushkil hota. Congress se gathabandhan ke baad CPM do seat jeet sakti hai. Haalaanki, vartamaan paristhitiyon mein yeh aasaan naheen dikh raha. CPM ke votar Trinamool aur BJP ki taraf shift ho chuke hain. Vaheen, Congress teen seaton par safalta haasil kar sakti hai. Mamata sabse lokapriya Ismein koi shak naheen hai ki aaj ke samay mein pashchim Bengal mein deedi naam se mashahoor mamata Bannerjee sabse lokapriya neta hain. Filhaal vahi pashchim Bengal ki raajaneeti ke kendra mein hain. Yahaan mukaabala mamata banaam anya hai. 2016 ke assembly chunaav mein shaarada ghotaale ki parachhaai mein unhonne chunaav lada aur vijayi raheen. Naarada vivaad ke baad bhi unhonne sabhi upachunaavon mein apni party ko jeet dilaai. Khaas taur par graameen kshetron mein bhi vah khaasi lokapriya hain. Unke kai vikaas aur gareebon se jude praujekt kaafi lokapriya hain. Vaam shaasan ke dauraan uttari Bengal praaya upekshit raha, lekin mamata ne is area ko khaasa mahatva diya. Vah byoorokrets ke saath harek jilon mein niyamit taur par daure par jaati hain. Yojanaaon ki pragati ki sameeksha karti hain. Bengal se ab tak koi PM naheen Aaj tak koi bangaali desh ka pradhaanamantri naheen ban saka. Divangat mukhyamantri jyoti Basu ke saamane ek baar yeh mauka aaya tha, lekin us vakt unki party ne aitihaasik galati ki. Jyoti babu ko pradhaanamantri banane ki ijaajat naheen di aur yeh mauka haath se chala gaya. Is samay mamata is race mein hain. Unhein gambheerta se liya ja raha hai. Vah vipakshi ekta ki mahatvapoorn shilpkaar maani ja rahi hain. Mamata ka ganit hai ki pichhle Loksabha chunaav mein Modi lahar ke baavajood BJP ko 31 feesadi vote aur 280 seatein mileen. Is vakt aisi koi lahar naheen hai. BJP ke prabhaav mein hua ijaafa Bengal mein bhaarateeya janta party ke udaya ne kai raajaneetik panditon ko galat saabit kiya hai. Pichhle Loksabha chunaav mein BJP ko 17 feesadi vote mile the. Do saal baad party ka vote share girkar 10 parseint ho gaya, lekin kaanthi ke upachunaav mein BJP ko 32 feesadi mat mile aur vah doosare sthaan par rahi. Yeh seat BJP ke liye kabhi bhi gadh naheen raha tha. Aise mein BJP ka prabhaav badhna asaadhaaran dikhta hai.

Vest Bengal Deedi Number 1, Congress-vaamadalon Ke Liye Astitv Ka Sangharsh https://www.angrejinews.com/pic/261271