Veeroo Ki Kami Khal Rahi Hai Jayavardhane

Cricket »

Veeroo Ki Kami Khal Rahi Hai  Jayavardhane

Nai Delhi. . Delhi Daredevils ke kaptaan maahela jayavardhane ne IPL mein team ki lagaataar doosari haar ke baad shanivaar ko kaha ki unhein Virendra Sehwag ki kami khal rahi hai lekin saaf kiya ki shat pratishat fit hone par hi is visfotak salaami ballebaaj ko antim ekaadash mein shaamil kiya jaaega. Jayavardhane ne Rajasthan Royals ke haathon paanch run ki haar ke baad samvaadadaataaon se kaha, 'Veeroo jaise khilaadi ki aakraamakata aur anubhav ki kami kisi bhi team ko khalegi. Hamein bhi unki kami mahasoos ho rahi hai. Pichhle IPL mein unhonne team ko aage badhaane mein mahatvapoorn bhoomika nibhaai thi. ' unhonne kaha, 'Veeroo ki rikvari sakaaraatmak hai lekin ham kisi tarah ka jokhim naheen le sakte hain tatha shat pratishat fit hone par hi unhein team mein shaamil kiya jaaega. ' match ke baare mein is shreelankaai ballebaaj ne kaha ki David Warner ka 19vein over mein run out hona turning point raha. Unhonne kaha, 'Warner ne achhi paari kheli lekin unke run out hone se match ka paasa palat gaya. Humne pichhle saal unhein (Royals ko) aakhiri over mein haraaya tha lekin is baar aisa naheen kar paae. ' jayavardhane ne haalaanki vishvaas jataaya ki unki team vaapasi karegi. Unhonne kaha, 'Hamein abhi se chukta maanana theek naheen hain. Abhi 14 match bache hain aur mujhe apne khilaadiyon par poora bharosa hai. ' jayavardhane ne kaha ki vah Irfan pathaan, aasheesh Nehra aur Umesh Yadav ki geindabaaji tikdi ke pradarshan se khush hain. Unhonne ummeed jataayi ki ben roharar ke team se judne se unke paas adhik vikalp honge.

Veeroo Ki Kami Khal Rahi Hai Jayavardhane https://www.angrejinews.com/pic/4683