Veerappan Ke Chaar Saathiyon Ki Faansi Par SC Ne Budhvaar Tak Rok Lagaai

Breaking » Monday, February 18, 2013

Nai Delhi: Supreme court ne somvaar ko chandan taskar veerappan ke chaar sahayogiyon ki faansi par Budhvaar tak rok laga di. Raashtrapati ne unki daya yaachikaaen 12 February ko khaarij kar di thi. Supreme court ke pradhaan nyaayaadheesh nyaayamoorti altamas kabeer ki adhyakshata waali peeth ne varishth vakeel Colin gonsaalves ki is daleel par Budhvaar tak veerappan ke sahayogiyon ko faansi diye jaane par rok laga di ki unki daya yaachikaaon par faisala bahut der se aaya. Gonsaalves ne kaha ki nyaayamoorti GS singhavi ki adhyakshata waali Supreme court ki ek anya peeth ne is savaal par nirnaya surakshit rakha hai ki yadi daya yaachikaaon par nirnaya bahut der se aata hai to doshi ko raahat mil sakti hai ya naheen. Gonsaalaves ne nyaayaalaya ko bataaya ki yah nirnaya aath maheene pehle surakshit rakha gaya tha. Jo bhi nirnaya aata hai, vah veerappan ke chaar sahayogiyon par bhi laagoo hoga. Doosari or, mahaanyaayavaadi jeei vaahanavati ne yaachika ka virodh karte hue kaha ki yah ek gambhir maamala hai, jismein 20 policekarmiyon ko baaroodi surang visfot mein maar daala gaya tha. Yah maamala 'Jaghanyatam' shreni mein paaya gaya hai. Raashtrapati ne veerappan ke chaar sahayogiyon- gananaprakaasham, simon entoniyppa, meesekar madaiya tatha bilaaveindran ki daya yaachika 12 February ko khaarij kar di thi. Unhein varsh 1993 mein Tamil Nadu-Karnataka seema par paalar pul ke najadeek policekarmiyon sahit 22 logon ki hatya ke liye maut ki saja sunaai gayi thi. Daya yaachikaaen varsh 2004 mein daakhil ki gayi theen. Doshiyon ki daleel hai ki unki yaachika par nirnaya bahut deri se aaya hai. Isliye unhein faansi par naheen latakaaya jaana chaahiye.