Vedaanta Ko Jhatka, Supreme Court Ne Lagaai Bauksaait Maaining Par Rok

Business »

Vedaanta Ko Jhatka, Supreme Court Ne Lagaai Bauksaait Maaining Par Rok

nai Delhi. . Supreme court ne Orissa ke raayagadh aur kaalaahaandi jile gram sabhaaon se manjoori milne tak niymaagiri pahaadiyon mein vedaanta samooh ki bauksaait khanan pariyojana par aaj rok laga di. Justice aafataab aalam, Justice KS Radhakrishnan aur Justice ranjan gogoi ki khandapeeth ne in do jilon ki gram sabhaaon ko bhi ilaake mein rahane vaale aadivaasiyon samet is maaining praujekt se jude tamaam masalon par teen maheene ke bheetar faisala karne ka nirdesh diya hai. Court ne paryaavaran aur van mantraalaya ko nirdesh diya ki gram sabhaaon se report milne ke baad hi do maheene ke bheetar is maamale mein kaarravaai ki jaae. Court ne raajya ke svaamitv waali udeesa maaining corporation ki yaachika par yah nirdesh diya. Kaurporeshan ne Britain sthit vedaanta samooh ki bhaarateeya company starlight industries ke niyaamagiri bauksaait khanan pariyojana ki paryaavaran manjoori radd karne ke paryaavaran aur van mantraalaya ke faisale ko chunauti di thi. Mantraalaya ne van paraamarsh samiti ki sifaarish sveekaar karte huye laanjeegadh, kaalaahaandi aur raajagadh jilon mein niyaamagiri ki pahaadiyon mein oemasi aur starlight ki khanan pariyojana ko doosare charan ki van manjoori dene se inkaar kar diya tha. Is maamale ki sunavaai ke dauraan oemasi aur starlight industries ne daava kiya tha ki niyaamagiri ki pahaadiyon mein khanan gatividhiyon ke kaaran paaristhitiki ko kisi prakaar ka nuksaan naheen huaa hai. Paryaavaran aur van mantraalaya aur aadivaasi adhikaaron ke liye aavaaj utha rahe samoohon ne iska virodh karte huye aarop lagaaya tha ki is pariyojana mein paryaavaran maanadandon ka ullanghan huaa hai. Mantraalaya ne court mein kaha tha ki jangalon mein rahane vaalon ke saamudaayik aur vyaktigat adhikaariyon ke baare mein kaanoon ke tahat faisala hone tak niyaamagiri pahaadiyon mein prastaavit khanan sthal se bedakhal naheen kiya ja sakta hai. Isse pehle, 2007 mein paryaavaran aur van mantraalaya ne starlight ki baaksaait khanan pariyojana ko siddhaant roop mein manjoori di thi. Lekin August 2010 mein mantraalaya ne tamaam van evam paryaavaran kaanoonon ke ullanghan ka havaala dete huye ise manjoori dene se inkaar kar diya tha. Vedaanta risorsej ne kaalaahaandi jile mein ailyumeeniym utpaadan ke liye das lakh tan saala kshamata ki rifaainari lagaane hetu 2003 mein Orissa sarkaar ke saath sahamati patra par hastaakshar kiye the. Vedaanta ne baad mein is rifaainari ki kshamata badhaakar saath lakh tan saalaana karne ki anumati maangi thi. Is pariyojana mein south vest bauksaait maaining company private limited ne 23 saal ke dauraan 721 hektar kshetr se 7.3 karod tan bauksaait nikaalne ki yojana pesh ki hui hai. Yah company vedaanta samooh aur oemasi ka sanyukt upakram hai.

Vedaanta Ko Jhatka, Supreme Court Ne Lagaai Bauksaait Maaining Par Rok https://www.angrejinews.com/pic/6001